2008年就结束了，2009年就即将到了，回想下，呢一年自己似乎冇做到咩野。 1、1月份，头半嗰月系响坐月中度过咯，几难过下，发誓晤要再有第二次，实在系难受到难以形容啊。一满月嗰日就马上凑咔哇怡出街做街霸，约埋蛋蛋去吃KFC，印象仲好深刻啊。哈哈~~~下半个月就带咔哇怡去咗几嗰地方了。 2、2月份，过年，同学番来都过咗来探我，哈哈，好开心。仲同初中同学去咗探林老师。2个来月咯咔哇怡已经开始比较好凑了。 3、3月份，月初开始要准备番公司上班了。带咗婆婆来广州帮我凑咔哇怡，婆婆梗大嗰人了第一次出远门，都好担心会坐晤得车，但一直过来，坐火车，搭地铁都冇事，仲带咗婆婆去吃M记。三月中，结束我四个月咯产假，正式番公司上班了，番到公司一切仲系好熟悉，公司咯同事仲系好热情，不过由于各种原因上咗半个月班我就辞职了，唯一觉得抱歉咯就系孙工，直到现在都晤敢打电话比佢。 4、4月份，正式番妈妈度，全职做少奶奶凑咔哇怡啊，为咗稳D事情做，开始咗我咯第一次生意，卖童装，刚开始做都系冇经验。 5、5月份，咔哇怡再大D了，一天一天梗睇住佢长大真系好幸福咯，虽然会好苦。 6、6月份，六一儿童节嗰日生意好好，但收到两张假钱，生意白做了。做生意咯过程，认识咗啊萍同啊香，两位生意上咯好朋友。呢嗰月带咗咔哇怡番来广州，搞到皮肤过敏，肥肥咯咔哇怡开始瘦了，佢契妈话减肥成功了哦。半岁嗰阵同咔哇怡影咗裸照，竟然响我床上濑尿，激死~~~ 7、7月份，带咔哇怡来广州，去金宝贝早教中心，咔哇怡响嗰度玩得好开心，嗰度咯老师好nice，课程都比LC咯安排得要好啊，不过费用都好贵，一节课要成百几蚊啊。然后番咗河源JP度，佢地见到咔哇怡都好开心，仲带咗咔哇怡去咗游果源，翻到爷爷度，咔哇怡出奇咯听话啊，都晤怕生。不过由于妈妈要上课，只系住咗三天就又走了。呢嗰月同咔哇怡去入户口，好鬼死麻烦，最后花咗千几蚊，搞掂咗嗰户口，咔哇怡晤再系黑人了，一入到户口就马上帮咗张身份证，留做纪念啊，不过身份张相影得好鬼死man啊。 8、8月份，又带咗咔哇怡来广州，去B计划影相，不过影相过程非常晤配合，扭计啊，帮我悭钱挂，最后只系选咗5张相啊。呢嗰月我生日，不过冇庆祝，第一次感觉到晤想过生日咯，唔知道点解。 9、9月份，妈妈开学了，我又要一个人凑咔哇怡了，我都开始打算出来稳工了。每天都会想象离开咗咔哇怡我日子会点，一想到就会揽得咔哇怡好实，好肉紧啊。中秋嗰日啱好咔哇怡9个月啊。月底开始戒奶了，由于咔哇怡一直有饮开奶粉，所以成嗰戒奶过程都算成功，冇扭计仔啊。但我就牺牲大了，戒奶后嗰胸严重变型，做妈妈，牺牲真系大啊。 10、10月份，过咗国庆，我就正式番广州稳工了，离开咔哇怡嗰日，真系好晤舍得，喊咗好多次，晚上响广州，望住咔哇怡咯相，都系会忍晤住一嗰人响度喊啊。每天都会拿住咔哇怡咯相来睇，打电话比咔哇怡。月中，由于稳工晤顺利，离我住咯地方太远了，决定翻去继续做我咯少奶奶，买好车票了，临番去前一天，朋友介绍去佢公司见工，做招商，最后面试成功，确定上班，虽然各方面条件都冇以前XL好，但我都系过来尝试了，番去三天探咔哇怡后，21日正式番鞋城上班，开始一份我完全冇经验咯招商工作。 11、上班一段时间了，感觉都系晤系梗适应，曾经想过辞职，不过最后都系坚持落来了。本月经历咗一D事情，令到我有咗好大变化。呢嗰月成嗰月都冇见到咔哇怡，真系好挂住佢。 12、12月份，咔哇怡一岁了，生日嗰日番晤到去陪佢过，蛋蛋契妈过咗去，仲影咗相相，不过比蚊仔咬到块面几丑样，而我就响电话度同咔哇怡一起过，唱生日歌。6日，带咔哇怡参加咗“07年12月爸妈群”组织咯一岁聚会，跟住带咗番公司比同事睇，好多人都系晤相信我已经有嗰一岁咯女了，唉~~~其实我已经好老了咯。圣诞节，公司搞咗嗰晚会，我主持，感觉番到咗我咯学生时代，我咯文学生涯。对于工作，本月似乎有小小进入状态了，毕竟我现在晤再从事HR，而系做招商工作，为咗份工，我点都要改变自己，要努啊。 一年总结落来话多晤多，话少又晤少，呢一年咯生活都几乎系围绕住咔哇怡过咯，除咗现在出来工作呢两个来月，咔哇怡出世以来，我一直都响佢身边陪住佢。现在冇咗咔哇怡咯日子虽然已经习惯咗，但每天都系会挂住嗰牛魔王，会关心佢咯成长。今年工作上冇咩成绩，希望明年新咯开始会有好咯进步。 今日30号，天日妈妈又凑咔哇怡来广州了，我又可以见到嗰牛魔王了，又有几天番番到以前凑女咯日子了，唯一觉得难受咯就系要tum咔哇怡训觉同埋晚上要起身。
正文从这里开始:
