上星期五，臭Ｂ发烧了，第一天晚上，烧到３８．１度，贴左退热贴后，慢慢体温下降落来，但睡眠质量好差，基本上训训醒醒．第二天晚上，臭Ｂ精神好好，但我觉得距仲是有Ｄ热，同距一探温，竟然有３８．４度，吓到我即刻抱住距去医院，去到医院已经是凌晨一点几了，只有一个医生同一个护士值班，生病噶ＢＢ有好几个系度等紧．我再问姑娘拿体温计同臭Ｂ测体温，已经达到３８．９度．

　　排系我地前面噶一个ＢＢ令我记忆犹新，距是一个有先天性心脏病噶ＢＢ，一岁多少少，距要系一岁半时做手术，而家发烧烧到３９．２度，医生同距吊针，距爸爸妈妈话ＢＢ唔可以吊针，一吊针就会脸色发紫，但医生坚持．我见到护士姑娘同距ＢＢ吊针时，针头刚插入ＢＢ额头，ＢＢ立即哭出来，脸色变成死灰色，嘴唇发紫，我睇到后打晒冷阵，太恐怖了，旁观者都觉得心痛，何况距妈妈呢．后来距ＢＢ老豆同医生理论，但医生坚持要打吊针，因为ＢＢ脱水，要吊生理盐水．唉，果个可怜噶ＢＢ，祝愿距一岁半时做心脏手术成功，身体健康．

　　有时候谂番起果个场面，相比之下都觉得自己非常幸福，生活虽然唔是好稳定，但自己一家人都身体健康，仲有一个可爱噶猪猪，都已经好满足噶了．

　　讲番起我家臭Ｂ，烧到３８．９度，医生同距做雾化，食左退烧药，系三点几四点果阵，体温降低左０．３度，医生叫我地可以番归了，要注意ＢＢ噶身温度变化，及时作出处理．系凌晨五点几噶时候，同猪猪测一下体温，突然得番３５．８度，又吓餐死，后来先知道ＢＢ食美林有Ｄ过量～５５～

　　医生教左我点处理ＢＢ发烧．如果ＢＢ发烧额头发兴但四肢冰凉噶，表示ＢＢ可能会发高烧，一定要同ＢＢ散热，用温水同ＢＢ浸浸手仔脚仔，等ＢＢ四肢有暧意了，才会散热．如果ＢＢ额头发兴但四肢暧暖噶，表示ＢＢ散紧热，只需要及时同ＢＢ抹左汗或用温水抹身即可，不建议ＢＢ用酒精，因为ＢＢ皮肤较嫩，酒精对皮肤不好，且可能会过敏．

　　呢几日，臭Ｂ无发烧了，但臭臭有Ｄ稀，虚汗较多．

　　听日要同臭Ｂ去防疫站打针咯～