1日

        肯晚個女一晚都晤好訓，可能係唔習慣，成晚都響度“銀尼銀層”阿，搞到我成晚幾乎眼根根望住個女望天光。一大早七點，咔哇怡個牛魔王了起身了，唔比人訓，真係番工都冇梗早。冇辦法，唯有起身了，出到去吃埋早餐先8點，出街仲早，然後就順便番趟公司，搞埋D手尾，番到公司先八點半，都冇幾個人上班添阿，響公司玩左半個來鈡到就走了，出發去東站，宜家家私玩，去到宜家，個女好鬼死開心，發揮佢個咔哇伊咯魅力，吸引左好多阿姨咯目光，好多人都話個BB好Q，然後有幾個人种同佢影相添。

        中午去五月花咯KFC吃完午餐就去大都市鞋城睇鞋，公司D同事個個都忙，冇時間陪我一起去，我同D檔主唔熟，人地都晤願意零售比我，一唔係就好貴，響出邊買仲好。最後都係失望而歸，然後去春之花買零食，比媽媽帶番去吃咯，春之花咯野認真貴啊，買左小小野就用左舊幾水，買完零食后，我同媽媽都已經好累了，得個女仲好Enjoy（有人抱、有人背，係我都會阿），冇收穫都冇心機行了，坐樓巴番去了，星河灣咯樓巴就係快，半個鈡都晤使救已經到坐了，個女一坐車就訓覺，又晤忍心吵醒佢，諗到佢訓左，我番到去都可以透下阿，點知道個牛魔王好鬼死精，一到屋企樓底就打開對眼了。#￥%……—*￥……—*

        本來都已經行得好累了咯，但諗到今日乜收穫都冇，吃完飯就又去行洛溪，但洛溪真係冇乜買，最後都係只幫個女買左條短褲仔，幫靜靜買左件衫，番到去真係累到對腳都感覺唔係自己咯了，沖完涼洗埋好衫，咔哇怡仲好精神添，又係差唔多12點先訓。

2日

        本來今日係打算同群裏面咯媽媽去大夫山爬山咯，但最後由於人少，都係取消左，而且個日太陽異常咯猛，算了，都係去行街了，而且我知道媽媽來到廣州冇收穫會晤舒服咯，哈哈，最後都係選擇早上去左中山八行富力兒童世界，去到個度就只係幫咔哇怡買左條七分褲，朋友個女買左件哈衣，就冇任何收穫了。個牛魔王見到人地鋪頭咯單車同玩具，係都要過去玩，唔比去就打賴死，最後冇佢符，玩左下就穩地方吃飯，吃完飯就去行北京路，然後響真維斯買左三件衫，都算有小小收穫喇，北京路2號都好多人啊，真係冇蔑心情行街，而且帶住個女，大抽細抽咯。買完野就坐地鐵番去了，三點幾，地鐵仲一般般咯多人，人多，大家都好為自己着想，冇人讓位，一唔係閉目養神、一唔係就玩手機，總之就係我睇你唔到。

        四點幾番到去就開始煮飯了，晚上仲要番公司開會（話安排3號廣交會咯事情，最後米又係講左個幾督屁，早知道唔番去開會阿），唔知道係耐冇煮飯定點，插坐插坐，竟然忘記按制煮飯，到煮好菜吃飯了先發現阿。

       到晚上牛魔王都係成11點幾先訓，真係好精神。

3日

        咔哇怡翻樂昌了，唔知道下次要幾時先可以見到個女了。

咔哇怡的變化：

        1、知道指自己個手、腳、鼻、眼、嘴；

        2、知道叫蠻多人同識講比較多個字，但都係曡字多，好少聽到叫媽媽，真係白錫你了；

        3、叫鞋叫腳，一坐住就要脫鞋，講“腳阿”，就係要脫鞋了；

        4、會教人點蟲蟲；

        5、知道做“丑丑”咯動作；

        6、最叻就係扮豬嘴；

        7、知道嬲人，知道講佢唔好啊咯野啊；

        8、晤多原意吃飯，好多野吃完個味道就吐出來，唔吞落肚去，浪費食物；