今日系咔哇怡出世以来咯第二个六一儿童节，白天一天都响屋企，冇出去啊，等到成四点几，咔哇怡训醒了先出去，出去首先就去左市政府个边影相，顺便等契妈落班。发觉咔哇怡越大越晤中意影相了，晤中意望镜头，晤影相咯时候会有好多古怪表情，但一见到部相机就冇了，而且晤望镜头。六一儿童节，婆婆买左条公主裙比咔哇怡（不过我就乜都冇买了，平时已经买左晤少野了，个女似乎乜都晤缺，实在晤知道买乜野好啊），但咔哇怡似乎晤系梗中意个条裙，可能穿上去晤系梗舒服啊。等到契妈落班后响河边玩左下，肥弟弟Eason都出左来，但两个BB都系晤中意一起玩，咔哇怡仲扭晒大计，晤肯落部推车，系都要坐住响度，晤落地玩，玩左大概10分钟到，可能肚仔饿了，扭晒大计，唯有去吃野。契妈兼我亲爱咯蛋蛋请我地去迎宾馆吃大餐，哈哈，不过可惜我牙痛，实在冇乜mood吃野啊，吃得好辛苦，咬啖野，吞啖水都非常之艰难，个牙肉肿晒起身了，连讲句话都晤想多讲句啊。迎宾馆今日比较多人，过节挂，点D上得鬼梗慢，叫碗白饭都等左N耐先送到，个牛魔王一早就已经饿到呱呱叫了，好不容易等到白饭送到，吃饱后魔性开始来了，坐响张凳度四周围转了，个手呢度拿野个度拿野，吃野仲要吃到成身系，唉~~~可怜得我有吃大餐咯胃口，但就冇吃大餐咯动力啊。
吃完饭后就去行街了，牙痛去买左瓶王老吉来饮，个牛魔王见到我饮野，成个人响部推车度爬出来，真系好狼死个样，晤比佢饮就发晒烂杂，响度喊，最后冇佢符，拿拿林快D饮晒，比个空瓶佢玩先收声啊。现在真系见到人吃乜都要，而且吃野好鬼死怪，除左白饭之外，吃其他乜野都系吃完之后就吐翻出来，仲要拿你只手来接住添。真系晤知道话系好养定系点。咔哇怡同我一样，中意饮可乐，但BB晤可以比可乐佢饮，所以尽量比橙汁佢饮，仲要拿奶瓶装住来饮，晤系会搞到成身都系，拿只学饮杯装住比佢饮，晤要，自己指住个奶瓶，要你比奶瓶装来饮啊。