发表于2008年09月24日 00:17

而家发觉猪仔记的动作好灵敏，好多时我都未有意识，具已经做完了一个动作了，昨晚同猪仔饮喜酒回来后，一直响厅度玩，抱具的时候，具转了一个身，刚想调整下抱姿，具已经又来一个转身了，抱住具，真系小一点精神都唔得啊。具爬得好爽，三两下手脚就爬到教行车个度，到左教行车度具就坐左起身，系甘捉住台车，试图想站起来，我帮了具一把，具站起来后，只脚又想站上教行车的围栏上，站好后，就系度转教行车上个只可以转个只公仔，系甘转，系甘转，转得好开心好兴奋，我望住具，具完全无理会个我，个样仲眉飞色舞，真系好得意。总之具就好开心啦！
   想返又讲，前个日我见到猪仔具做俯卧撑的伸起动作，当然尼两日都有做，而且仲好稳扎，我记得之前具仲做过一个甘个动作，只手仔撑在地上伸直，只脚仔也伸直了，个屁股就晓了起来，个头就同只手同一线上，哈哈，真系好得意架，希望以后睇返会记得起当时的情景啦！
   今晚听爷爷讲，中午的时候有只糖眉飞到猪仔只耳仔度，猪仔一手就抓住左，哇，劲啊，如果比我见到就好啦，而家想想都笑啦，见到米大开眼界，猪仔的动作的确灵敏了。
   尼两日都发觉猪仔又大个仔左架啦，就系动作快左啦，灵敏左啦，仲有啊，而家唔怕多人的场面了。哈哈，猪仔，妈咪仲系甘句，见证你的每个成长细节，系妈咪最幸福的事。
   刚才写到一半的时候，竟然按错了，关了，真系气人了，好采又自动保存了草稿，虽然系一半的一半，但还是帮了自己一把。嘿