到今日为止，戒奶已经有十五了，但系囡囡仲会记挂住食奶，有时仲会有两三次想埋来食奶，因为食奶嘅时间比冇奶嘅时间长，所以一时仲未忘记得到，或者佢好记性D啦！

    囡囡嘅调皮捣蛋有时令到我头痛到不得了，由于家下识得行，度度都去，最令我头痛嘅就系佢咩都放入口，食得又放唔食得又放，响佢眼入边咩都系食得，我真系唔知点教佢好啊！教极都唔听，冇理由屋企入边所有嘅野都收起唔俾佢碰到咩，呢D系冇可能嘅事。

    佢好钟意爬高爬低，爬楼梯一步级甘上，佢唔学似其他小朋友甘一级两步，佢系一步一个脚印，睇上去好似好大个小朋友甘啊！响佢心入边咩都明白，就系未识得讲，识叫妈已经好耐啦！呢几日就叫爸，虽然佢未识得讲，但系骂人佢会识，有时佢搞搞震，大人骂下佢，佢就会还击，佢唔会输俾D大人，有时唔够骂就开口水炮，用口水攻击，有时仲会用手仔打人，但系佢打左你之后就会主动亲返你。佢想拿挂响墙上嘅野，佢就会捉住你双手，双脚就会爬上墙上，我真系未见过有甘嘅女仔啊！我问佢系唔系想入飞虎队啊！

    可能我成日跟实佢，一行开佢就会哭，戒奶之后我就冇同佢睡了，我俾佢同我妈妈睡，俾佢习惯下妈妈唔响身边，但系佢有时睡睡醒左就会找我，见我唔到就会哭，佢哭我就心痛了。本来我想凑返佢同我睡啊！但系又怕佢夜晚睡觉想食奶，冇得食就哭唔肯睡，所以仲未凑返佢同我睡，希望佢快D忘记食奶啦！甘就可以同返我睡啦！我认为睡眠对BB来讲系好重要，一觉睡到大天光系我最想宝贝做嘅，妈妈话我唔响囡囡身边佢听话好多，所以我就甘狠心对佢，因为我唔想影响到佢嘅睡眠啊！佢快D习惯到唔食奶甘就唔会影响到睡眠甘就可以同我睡啦！我希望呢日快D到啊！

正文从这里开始: