BB出世至今已经十五日了。感觉好似眨下眼，我就由大肚婆变成左准妈咪。呢个过程可以话系好长。但到真正来临了，又觉得好似好快。真系唔识点讲自己宜家既心情。有好多野好似完成无安排甘就来左。搞到自己有好多野系思想上都未有反应过黎。
谂返起自己十月怀胎至生产完毕见到BB，真系几个唔同既阶段。十月怀胎时，自己比其他人都好幸运。完全无果D令人难受既妊娠反应，顺顺利利怀至足月。到生产过程了，呢个真系令我谂起都觉得可怕既过程。可能系我自细就好怕痛既原因。果种痛我真系无法忍受得到。系呢个阶段，我就真系唔算好幸运了。痛左十几个钟都仲系无办法生，结果，我都系忍受唔到要选择剖腹。系麻醉左果刻，我先叫做可以成个人放松下。因为，果种痛已经消失左。但系，系手术完成后，我又要接受另一种痛了。系呢两种痛之间，我宁愿选择手术后既痛都唔愿意选择生产前既阵痛。真系无法形容。终于，我见到BB拉。自从有左BB以黎，我都系到谂紧，BB似我定系似老豆呢，系未健健康康呢。呢一切既谂法就系呢一刻完成解答晒。我睇唔出BB似我定系似区老豆。但见到BB系健健康康既，我已经感到好满足了。之前既种种唔种阶段，由见到BB既呢一刻开始已经唔同晒。所以野都将演变成另一个唔同既空间了。D朋友同事黎探我，都话BB似我，听到我真系好开心。其实，似我或者似区老豆都无所谓既。系呢半个月时间里面，我无时无刻都对住BB，我感觉自己好似离唔开区甘，或者，应该讲系唔舍得离开半步。我谂紧，如果到时我要返工拉。一日时间就只可以系一早一晚先可以见到BB，我一定会好唔惯，个心一定会时时记挂住，但呢D都系要面对既事情。
系呢半个月内，除左系出院返到屋企第一晚，BB可能唔系几适应环境外。其他时间，BB都算比较乖，亦可能BB仲细既原因，基本都系食饱就训觉。有时想同区玩下，区都唔肯醒，就好似个懒训猪甘，睇住区真系觉得好可爱。