天上一块铜，掉下来压到人
人要跑，压到狗；
狗要吠，压到位；
位要坐，压到棉被；
棉被要盖，压到鸭；
鸭要杀，压到你的肚脐。
火车
火车卜行东港桥，愈行愈走愈咧叫，
一声短来，一声长，真贤摇。
摇一下来，摇一下去，哔噗趒(tio5)。
火车卜行西螺桥，愈行愈走愈爱摇，
莺歌若过是板桥，真贤摇。
金龟
金龟金龟头趄趄(lu-lu)，
匿伫树顶咧啄居。
金龟金龟，细粒头，圆身躯。
财仔财
财仔财！对天顶跋落来；
有目珠，无肚脐；有喙齿，无下颏；
叫医生，叫袂来；叫司公，扛去埋。
阿财！阿财！厝顶跋落来；有喙齿，无下颏；
叫医生，叫袂来；叫土公，拖去埋。
秀才！秀才！在马顶，跋下来；跋一下，真厉害；
嘴齿痛，糊下颏；目珠痛，糊目眉；
腹肚痛，糊肚脐；嘿！真厉害。
正月正
正月正(chiaN)，听见跋缴声(siaN)。
二月二(ji7)，老土地(ti7)。
三月三(saN)，桃仔李仔双头担(taN)。
四月四(si3)，桃仔来，李仔去(khi3)。
五月五(goo7)，西瓜排甲满街路(loo7)。
六月六(lak8)，头家落田拍碌碡(lak8-tak8)。
七月七(chhit4)，龙眼乌，石榴必(pit4)。
八月八(peh4)，牵豆藤，挽豆荚(ngeh4)。
九月九(kau2)，风吹满天吼(hau2)。
十月十，人收冬(tang)，头家倩长工(kang)。
十一月，年兜边(piN)，家家户户人搓圆(iN5)。
十二月，换新衫，来过年(niN5)
白鹭鸶
白鹭鸶，车粪箕，车到溪子墘，
跌一倒，拾到一仙钱。
白鹭鸶，车粪箕，车到溪仔墘，
跌一倒，拾到一仙钱，拾到一仙钱。
羞羞羞
羞羞，羞羞羞，提蓝仔捡雨鰡。
羞羞，羞羞羞，提蓝仔捡雨鰡。
拢总捡几尾，哎哟，拢总捡两尾啦，拢总捡两尾。
一尾煮来吃啊啧啧，一尾糊目睭啍啍，
羞羞，羞羞羞。
火金姑，来食茶，茶烧烧，来食香蕉，
香蕉冷冷，来食龙眼，眼淜淜，来食番石榴，
番石榴结子，咬一嘴，落嘴齿。
大箍呆
大箍呆哎哟白目眉，无人请你就家己来。
来来大箍呆炒韭菜，烧烧一碗来，冷冷阮无爱。
大箍呆炒韭菜，烧烧一碗来，冷冷阮无爱。
大箍呆，到今你才知，到今你才知。
打马胶
猪跤箍仔，滚烂烂，饫鬼囡仔流喙涎。
放鸡鸭
一放鸡，二放鸭，三分开，四做堆，五搭胸，
六拍手、七围墙，八摸鼻，九揪耳，十抾起。
新娘仔
新娘水当当，裤底破一空；
头前开米店，后壁卖米香；
米香无人买，跋落尿礐仔底。
掩咯鸡
掩咯鸡，走白蛋，随你食，
哎哟随你缵(nng)，
咯鸡仔囝，哎哟觅密密。
老鼠仔囝偷做贼，一支刀咧一支剑，
卜走唔走，唔通哮，唔通哮。
摇仔摇
摇仔摇仔摇荖摇，摇到内山去挽茄，挽若多？
挽到一饭蓠，也好食，也好卖，也好互婴仔做度睟。
摇啊摇
摇啊摇，
猪跤双丬撩，
大面双碗烧，
肉丸炒胡椒，
蒜仔炒鱼鳔，
卜困着放尿，
出门着坐轿。
天乌乌
掘呀掘，掘呀掘，掘到一尾旋鰡鼓，
依呀嘿都真正趣味。
天黑黑，欲落雨，阿公仔举锄头欲掘芋。
掘呀掘，掘呀掘，掘到一尾旋鰡鼓，
依呀嘿都真正趣味。
阿公仔欲煮咸，阿妈欲煮淡，
俩人相打弄破鼎，
依呀嘿都隆咚叱咚枪哇哈哈！
阿公仔欲煮咸，阿妈欲煮淡，
阿公仔欲煮咸，阿妈欲煮淡，
俩人相打弄破鼎，
依呀嘿都隆咚叱咚枪哇哈哈！
弄破鼎，弄破鼎，
依呀嘿都隆咚叱咚枪哇哈哈！
哇哈哈！哇哈哈！
龙眼干
龙眼干，三两半，你点灯，我来看。
龙眼干，三两半，你点灯，我来看。
看啥乜，看新娘，新娘美咚咚，嫁好尪。
挨呀挨
挨呀挨嘘嘘，抬鸡请阿舅；
阿舅吃无了，剩一只鸡脚爪；
互婴仔食无够，置在后尾门仔吗吗哮。
挨呀挨，筛米筛粟饲阉鸡；
饲鸡好叫更，饲狗好吠暝；
饲后生，养老父，饲查某仔别人兮。
煎耳爹
一年级煎耳爹，二年级捧出卖，
三年级买一块，四年级想要买，
被五年级推入屎坑底，
六年级捞起来洗。
耕农歌
一年容易又春天，翻土播种忙田边，
田里秧苗油绿绿，家家户户卜丰年。
东邻荷锄上山冈，西邻赶牛下池塘，
哥哥犁田嫂播种，汗珠如雨满衣裳。
牧童晚归把歌唱，闪烁星星半隐藏，
今天做完今天事，且看织女对牛郎。
田底稻仔青见见，今年定着是丰年，
水牛赤牛满山埔，看牛囝仔唱山歌，
青年男女犁田土，顶坵下坵相照顾。
点仔胶黏着脚，叫阿爸买猪脚，
猪脚箍滚烂烂，饫鬼囝仔流嘴澜。
排骨仔队
阮就是排骨仔队，汝嘛是排骨仔队；
胸坎若楼梯，腹肚若水柜，
双手金光锤，两枝脚草蜢仔腿；
人人拢叫阮是排骨仔队。
一鼠，贼仔名，
二牛，驶犁兄，
三虎，爬山崎，
四兔，游东京，
五龙，皇帝命，
六蛇，互人惊，
七马，跑兵营，
八羊，食草岭，
九猴，爬树头，
十鸡，啼三声，
十一狗，吠契兄，
十二猪，菜刀命。
摇婴仔歌
婴仔婴婴困，一暝大一寸；婴仔婴婴惜，一暝大一尺，摇子日落山，抱子金金看，你是我心肝，惊你受风寒。
婴仔婴婴困，一暝大一寸；婴仔婴婴惜，一暝大一尺，一点亲骨肉，愈看愈心适，暝时摇伊困，天光抱来惜。
婴仔婴婴困，一暝大一寸；婴仔婴婴惜，一暝大一尺，同是一样子，那有两心情，查甫也着疼，查某也着晟。
婴仔婴婴困，一暝大一寸；婴仔婴婴惜，一暝大一尺，细汉土脚爬，大汉欲读册，为子款学费，责任是咱的。
婴仔婴婴困，一暝大一寸；婴仔婴婴惜，一暝大一尺，毕业做大事，拖磨无外久，查甫娶新妇，查某嫁丈夫。
婴仔婴婴困，一暝大一寸；婴仔婴婴惜，一暝大一尺，痛子像黄金，晟子消责任，养到恁嫁娶，我才会放心。
火车行到伊都，阿末伊都丢，唉唷磅空内。
磅空的水伊都，丢丢铜仔伊都，
阿末伊都，丢仔伊都滴落来
一的抄米香
一的抄米香，二的抄韭菜，三的强强滚，四的抄米粉。
五的五将军，六的六子孙，七的蚵仔饲面线，
八的讲伊卜分一半，九的九婶婆，十的撞大锣。
打你千打你万，打你一千零五万，羞羞羞袂见笑，
猜输唔甘愿，玩输起虾龟，唔甘愿起虾龟，
我卜来去投老师，投老师。
一年仔倥倥
一年仔倥倥，二年仔孙悟空，
三年仔吐剑光， 四年仔爱膨风，
五年仔上帝公，六年仔阎罗王，阎罗王。
台湾出甜粿
喂、喂、喂，台湾出甜粿。
甜粿真好食，台湾出木屐。
木屐真好穿，台湾出鵁鸰。
鵁鸰会讲话，台湾出棉被。
棉被甲会烧，台湾出芎蕉。
芎蕉真大枇，台湾出蕃薯。
蕃薯会止饥，台湾出飞机。
台湾真爻飞，台湾出鼓吹。
鼓吹真爻陈，台湾出炸弹。
炸弹真厉害，歹人唔敢来。
草螟弄鸡公
鸡公想欲阿伊都啄草螟，
认为小只啊伊都好创治，
草螟偏偏啊伊都不惊伊，
戏弄予伊呀伊都气半死呀伊都，
那哎唷啊伊都气半死。
草螟仔弄鸡公，鸡公披搏跳，
尖嘴啄无啊伊都小草螟，
气到强强啊伊都要半死，
像草螟啊伊都会秉变，
这款做法呀伊都才有理呀伊都，
那哎唷啊伊都才有理。
草螟仔弄鸡公，鸡公披搏跳。
要学草螟啊伊都小精灵，
着爱认清啊伊都看乎明，
不敬鸡公啊伊都伫面前，
伶俐活咷呀伊都好本领呀伊都，
那哎唷啊伊都好本领。
莫螟仔弄鸡公，鸡公披搏跳。
摇仔摇，摇仔摇。
摇囝也在叫。
摇你大汉，我有所望。
摇囝贤大汉，摇囝贤大汉。
树顶一只猴
树顶一只猴，树下一只狗。
猴跋落来，磅着狗。
猴亦走，狗亦走。
唔知猴惊狗，抑是狗惊猴。
点仔点水缸
点仔点仔点水缸，啥乜人仔放屁烂跤尻。
点仔点仔点茶瓯，啥乜人仔今晚卜来阮兜。
点仔点仔点茶壶，啥乜人仔今晚卜娶某。
点仔点仔点叮当，啥乜人仔今晚卜嫁尪。
点仔点仔点水缸，啥乜人仔放屁烂跤尻。
点仔点仔点书包，啥乜人仔今晚卜来阮兜。
点仔点仔点铅笔，你若是歹囝仔才做白贼也。
点仔点仔点纷纷，你是英雄好汉去做军。
ABC狗咬猪
ABC狗咬猪，阿公仔坐飞机，
跋一下冷支支。 叫医生，来甲伊医，
医一下跤骨大小支，
医一下跤骨大小支。
人插花．伊插草
人插花，人插花，伊插草。
人抱婴，人抱婴，伊抱狗。
人未嫁，人未嫁，伊先走。
人坐轿，人坐轿，伊坐畚斗。
人困红眠床，伊困屎礐口。
人困红眠床，伊困屎礐口。
西北雨直直落
西北雨直直落，鲫仔鱼卜娶某。
鮕鲐兄拍锣鼓，媒人婆仔土虱嫂，
日头暗揣无路，赶紧来火金姑，
做好心来照路，西北雨直直落。
西北雨直直落，白鹭鸶来赶路。
搬山岭过溪河，找无岫跋一倒，
日头暗卜怎好，土地婆做好心来带路，
西北雨直直落。
大头旺仔一粒珠
大头旺仔伊都一粒珠，相打唔认输。
夯竹篙托金龟，金龟一下飞。
哎哟大头旺放风吹，风吹断了线。
大头旺仔家伙，哎哟去一半。
一岁两岁手里抱
一岁两岁手里抱，
三岁四岁涂跤脞。
五岁六岁渐渐大，
有时头烧佮耳热。
七岁八岁真爻吵，
一日顾伊两支跤。
九岁十岁教针黹，
惊伊四界去经丝。
十一十二着拍骂，
此去着那学做衫。
十三十四学煮菜，
一块桌面办会来。
十五十六卜转大，
惊伊缀人去风花。
十七十八做亲情，
一半欢喜一半惊。
