过完年了，今年过年，深仔爹地同妈咪都要派利是俾人地了，以前一直都系收利是的深仔爹地都系接受唔到，深仔妈咪安慰佢，等深仔出世，我地明年就可以基本上收支平衡了。。。哈哈，深仔爹地点头傻笑。。。

唉。。。过年返妈咪屋企都系比较坎坷，来回都塞车，坐到深仔一家三口都好唔舒服。。。

返到广州拉拉声上医院去做例检了，因为今日刚好是要做血糖筛查的日子了

一大早空腹来到医院，取了一大包葡萄糖，来到二楼，发现无杯，晕得我一阵阵。。。

只好到外面小卖部买了支水，倒了，对着刻度，兑了葡萄糖和水，好大一杯！

然后还要等一个小时之后才能笃手指。

好不容易熬到了一个小时，血糖结果竟然高达11.0 ，医生话正常范围系要低于7.8 

可能系呢排返妈咪屋企，食咗太多甜嘢啦！琴晚仲食过粥。。。

跟住医生就交代咗几句，叫我注意下饮食，下次来做糖耐量的复查。。。

虽然心情唔好，返到屋企忍唔住又喊咗一通，好彩有深仔爹地TUM咋，妈咪先笑返，唉，为咗深仔的产检结果，妈咪都唔知喊过几次。。。

产检结果：体重59.5KG，宫高24，腹围81，胎心140  

其它无咩特别的，可能坐车坐得耐，深仔好像坠咗落下面小小。。。

听日深仔爹地同妈咪都要上班了，辛苦晒你地啦，深仔爱你地。。。。