刘烈宏，系我仔仔嗰中文名，“烈”，系佢爷爷帮佢改的，“宏”，系佢嬷嬷帮佢改的。其实我自己本身唔多么中意哩嗰名，因为，读起嚟，好绕口，仲好易俾人喊成“王力宏”。不过，既然系佢爷爷嬷嬷改的，我都唔多好出声，就尊重佢哋老人家嘅意思。

Tommy，系我帮仔仔改的英文名，我上网查过，“Tommy”俾人一种“邻家男孩子”嘅感觉，听起嚟，有种乖乖仔嘅feel，我希望我仔仔听听话话，所以，我就帮佢改咗哩嗰英文名。

 

Tommy仔100日大啦！係哩话长唔长，话短唔短嘅100日里，佢俾我哋哩嗰家带来了许多惊喜同欢乐。当然，担忧同伤心都会有。但，係今日哩嗰小小喜日里，我只想记低佢带俾我哋嘅欢乐。

 

係刚出世住院果一嗰星期里，Tommy仔比同房嘅其他几嗰小朋友都要听话。其他几嗰小朋友，不论白天定黑夜，总系哭嗰不停，有D甚至哭到声都沙埋，而Tommy仔就好乖，吃就吃，瞓就瞓，係不论n分贝嘅吵杂环境下依旧自已顾自己，瞓得香香的，从嚟唔使我哩嗰妈咪担心，最搞笑系，就连人家医院护士抱佢去游泳，嬷嬷帮佢拍摄翻嚟一睇，从抱落水到抱上水果一刻都仲系乖乖咁係度瞓觉觉！（嘻嘻～～）真系一只懒瞓猪！

 

 

 

出院翻嚟啦！！係哩嗰新环境，佢大概一嗰星期就适应过嚟！洗白白时，系Tommy仔最享受嘅时刻。佢静静的，对眼仔比任何时候都要睩得大，一放落水，就到处望，对脚仔不时伸出盆外晒晒，好鬼得意！

 

 

 

Tommy仔好搞笑嘎！！饮奶奶，唔小心呛到，呕奶，佢都会撒娇哭；有时，就连佢自己打督屁屁都要撒娇哭。凑Tommy仔咁耐，佢未曾真正撒野咁大哭大闹过，每次都系细细声咁撒下娇娇，不过，佢泪分泌超强噢！！就咁尔哭下啫，D眼泪都会大粒大粒咁流出嚟，条嘴仔乜紧，眼睛眯实；要不然，条嘴仔轻轻翘着，眼仔矇埋望住你，好似係度摆晒可怜求救咁，超可爱！好令人怜悯！

 

 

 

Tommy仔好中意举高两只手仔，好似投降咁觉觉猪。不论天气寒冷定炎热，佢都要伸对手仔出嚟先肯瞓，只要我哋包紧佢对手，佢就会自己周身煜，直到两只手仔伸得翻出嚟先罢休。要不，就会哭！好多时，我哋等佢瞓着咗，帮佢摆埋对手仔翻被被度，无过几耐，佢就会自觉掀开被，伸翻对手仔出嚟！不过，有时佢都会好猪兜，唔单止掀唔开张被，伸唔出对手，反而搞到自己埋係被被入边，连头都唔见，不过，佢每次只要出现咁嘅现象，都会大声哭出声，好等我哋去救佢！！（嘻嘻嘻～～）

 

 

 

日子一天天过着，Tommy仔亦一天天长大。家下，佢会经常手舞足动，每次瞓觉觉前同醒觉觉后都要大大运动一翻先罢休。仲学人家伸晒懒腰，最搞笑系，每次打屁屁，佢都会出狠力咁伸懒腰，躲嗰PP出嚟，好等督屁屁放出嚟！有时，甚至边吃奶奶，边伸懒腰，边打屁屁，打完屁屁之后，就算条嘴仔含住奶奶嘴都要5555～5几声出嚟，好似好话俾我哋知，佢打咗屁屁咁～～（哈哈哈～）

 

 

 

Tommy仔好狡猾嘎～可能自小係我嗰肚时，条颈仔就特别好力嘅缘故，家下瞓觉觉，我哋帮佢摆好嗰身向右边瞓，好等佢嗰头仔习惯转翻去右边，但，佢好识谂计仔，嗰头仔无办法直接转去左边，佢就借助摆嗰身体好就嗰头仔转翻去左边～～我哋帮佢摆翻正嗰头仔，佢好倔强，就系唔啃摆，就系中意同你作对，有时，真系好无奈嘎！

 

Tommy仔家阵中意揾人倾计计。自小，你唔抱佢无所谓，但，佢就系要听见你讲话，佢先会乖乖瞓係度。佢扭计，只要听见我哋讲话，佢就会静静咁听～有次喂佢吃奶奶，佢突然成嗰人静晒，眼定定咁望住靠近浴室果块墙，观察好耐，我哋先知，原嚟佢听见有水声，佢嬷嬷係度冲紧凉～（哈哈哈～）佢好中意同佢爷爷倾计，晚上，只要佢未瞓，见爷爷翻嚟，佢都会嘴噍噍咁同佢爷爷倾翻轮计先肯瞓，有次，倾倾下，要佢瞓觉觉，佢竟然唔啃，仲大哭出嚟……

 

 

 

Tommy仔好识扮野嘎！半嗰月之嘛，就开始识会诈瞓觉觉。佢仲要唔系普通嘅诈瞓噢！佢可以扮到成身软软的，无论你点捏佢，点搞佢，佢都会乖乖咁瞓，对眼睛合上，瞓得超香嗰样！但，一旦你抱佢落床，佢就开始偷偷地睁开单眼装下你系唔系仲係度，如果咁巧，俾你撞见佢装你，佢会偷笑，继续诈瞓觉觉；但，如果佢见你真系以为佢瞓着咗，行开嘅话，佢就会诈诈抵打呼噜，越打越大声，好引起你嘅注意。好啦！！到咗佢偷睇知道你哋留意到佢啦，佢又偷笑～～（哈哈哈～～～）谂起就觉得得意。咁细嗰，好话人细鬼大，鬼马到咩咁～

 

 

 

Tommy仔100日啦！本嚟已经帮佢预约咗今日去影百日照嘅，但，见嗰天气咁差，怕冻亲佢，所以，唯有迟下啦！

係哩度，我同佢BABA祝Tommy仔健健康康、快快乐乐、快高长大！