2013年6月1日。豆豆6个月24天，妞妞9岁1个月16天

    呢段时间都好忙，上班忙到下班，实在无时间去记录身边的小事与豆豆的大事。返到屋企，都好夜就更咪话上网啦，食完饭，帮豆豆洗好白白，自己又洗白白都已经成9点、10点钟的事啦！！唉，职场妈咪就系辛苦！！

     豆豆已经独自可以坐一阵啦，未有出牙，会系床上到处滚来滚去，床头到床尾，特别钟意玩遥控器！！原本5月22日要去打预防针的，睇错日子，到25日先知过了，一直以为系27日。跟住又见有少少流鼻水，又推迟左两天先话去打，直到31日，豆爸先带距去打，顺便去做体检！！体重6.5KG,身高67CM，两样都偏小，唉！！即系话，我产假后开工啦，豆豆基本上无点长到哦，无乜变化啦，已经成两、三个月啦，点算！！好烦！！未开始正式喂粥，十分失败！！以后，每天早上，我一定要记得煲好粥仔，我吾可以比豆豆甘瘦个！！变花样来煲粥仔，我要努力！！

     豆豆好钟意照镜，一照住个镜就系度“咯咯”声笑，笑到乜甘！！系床上自己玩，可以自己入睡也算听话啦！！就系吾多钟意食粥仔，奶粉也食得吾多，米糊也就系90ML左右！！

     今日系六一节，我要开工，无得陪住两个女。系豆豆第一个儿童节。先祝两个女，六一节快乐、健康聪明！！妈咪与爸爸爱你地！！