2015年元月11日，阴、雨

豆豆2岁2个月3天，妞妞10岁8个月26天

      星期六个日（10日），豆豆的公公就话想听日行下街，去下南方大厦，去重温与豆豆婆婆的拍拖胜地！！刚好晚上豆爸返来又话台手机开不了机，于是就一起去行街，先去中山五路的百汇广场搞手机，豆妈豆婆豆公就带豆豆系人民公园玩，等豆爸一个人去搞手机！！人民公园好靓，刚上左极多鲜花来装饰，我地一起系度映相，豆豆又自己推车仔，教佢好似拉斗车甘样来拉车仔，笑到我地肚痛！！仲一定要上厕所先肯小便！我地等到成点几钟都未见到豆爸，手机又未开机！好睬过左一阵豆爸识得打电话来，叫我地自己稳节目，食野先！于是我地就先到北京路行街！2点多，豆爸终于跟我地汇合，就到文明路食广州的小吃，饮椰子炖竹丝鸡，好是滋味！！一路跟住文明路食住下去！！去到江湾大桥，到江边一路欣赏江景！系西堤睇到有船坐，于是坐船到芳村，新鲜感过后亚豆就开始扭计，到芳村，又马上买票坐返到海心沙！船上豆豆不停甘扭计，用尽办法来哄个小人儿，唉，劳心劳力！系小蛮腰下我地来左张即时照！！只是太大风，闲行左下周边景，又系广州蜡像馆玩下！8点多就坐地铁返来！跟住去食咸骨粥宵夜！！席间，亚豆扭计，比豆爸狠狠批评，又打手仔，系度喊！又要拉住豆妈手，要走人！甘喊一阵，又哄返人儿，打道回府！超累!

       已经好耐无带豆豆公公婆婆出去活动活动啦！也算是不错啦！！虽然天气吾系甘好，仲不时下雨，但过程系愉快的！！