呢个空间既主人仲未出世，佢而家只系一个8个月既BB，仲系佢妈咪肚入面，我系佢既爹哋。因为训日我大姐同我讲话帮我个外甥女系度搞咗一个，搞到我今日心血来潮，都来搞番个。BB而家好拽拽架，晚晚系妈咪个肚度翻跟斗。训晚我放只手上去妈咪个肚度，就摸到突咗一旧出来。噶旧嘢以好快既速度系妈咪肚四周移动。

    仲有7个星期就到BB既预产期，对于习惯等待而又唔钟意等待既我来讲，呢7个星期都几漫长。好耐之前就已经想帮BB起名，但系都冇心水。妈咪之前起咗几个，但系我都唔多钟意。训晚我又提出呢个问题，两个一齐捻咗个女仔名，叫乐瑶，希望BB一生都可以乐逍遥，做一个乐观开朗既人，同时可以感染其他人。但系仲未捻到合适既男仔名。本来我都几钟意“子”字，但系好似识得个名有亲“子”呢个音既都唔系几好（希望我呢句话冇得罪人啦）。

    就好似一开始讲咁样，呢个空间既主人仲未出世；就算出世，都未有咁快识得用；就算识用，我都唔会咁早俾佢接触电脑同网络。所以，呢个空间暂时由我话事！

    今日就系咁先，下次再写。