上次已经讲过，蜻蜓仔系度不断咁变化：以前只识得眼定定咁望住一样吸引自己眼球既嘢；而家识得伸直对手仔去企图触摸（尤其是爹哋妈咪块面，一摸到就唔舍得放手）。以前屋企人食饭时，蜻蜓仔最多自己系沙发度训半餐饭既时间，净番既时间就要人抱住坐系饭台度睇；而家可以成餐饭自己训系沙发度，不过就一直望住屋企人食饭，仲一边发出各种古怪既叫声吸引屋企人，一旦有人望吓佢，佢就会收声，对住你蛊惑咁微笑。以前你想拉蜻蜓仔起身既时候，只要你抓住佢对手仔，佢就会缩起个头，耸起膊头，以屁股仔为支撑点，自己用力起身；而家你想拉佢起身既话，你抓住佢对手，佢竟然以头同双脚为支撑点，用尽力抬高个屁股仔！唔通呢个就系传说中既“拱桥”？