昨日下午蜻蜓仔睡醒觉突然间大声咁哭，吃又唔肯吃，抱起都系哭，点哄都系哭。妈咪同嫲嫲都觉得好奇怪，蜻蜓仔从来都冇试过咁样哭既。于是就睇睇蜻蜓仔既肚仔，唔硬唔热唔冻；再睇睇额头，唔烫啊；再动吓手手脚脚，都冇咩事啊！哎呀，究竟系咩事啊？（当时，妈咪真系好想蜻蜓仔所有既唔舒服都由妈咪来代替，妈咪见到蜻蜓仔哭到咁心痛到眼泪水都标咗出来了，但系都唔知点算好……）

     就咁样持续咗成半个钟，嫲嫲用咗啲油焗咗下蜻蜓仔既肚子，都仲系哭。于是，妈咪就准备同蜻蜓仔去睇医生，点知妈咪背起蜻蜓仔一阵，蜻蜓仔又唔哭了，哎呀！真系虚惊一场！

     为咗安心啲，今日都系同蜻蜓仔睇咗医生，医生检查咗蜻蜓仔既肚仔话冇事，不过就教咗如果再发生咁既事可以用啲“生油”搓热俾佢焗下肚仔会好啲。

    妈咪突然觉得自己好冇用，蜻蜓仔点解哭都唔知道，如果妈咪识得BB既日常护理就唔会咁，蜻蜓仔肚仔唔舒服，肯定系妈咪食嘢唔注意。妈咪冇用！希望蜻蜓仔粗生粗养，就算妈咪喱个大头虾唔识照顾都可以健健康康快高长大！