前日浩浩荡荡一行5个大人带咗瑶瑶去做第一次体检同打预防针。首先有“开路”嘅公公，“司机”舅公，“保姆”外婆，“工人”姨婆同“奶妈”妈咪。衫仔、牛奶、宝宝手册、打针通知等等，出行一次仲隆重过首长出行。
   首先系要去打乙肝疫苗嘅第二针（第一针已经系出世24小时内系医院打咗了），然后去医院做体检同检查听力（因为系医院做听力筛选时左耳可能因为有D胎脂之类的没有通过，需要1个月后复诊）。听力检查冇问题pass咗，放心好多，其实都系求个安心，因为瑶瑶嘅耳仔非常灵，平时训着你有D忽然嘅声音例如开门或撞到嘢距都会被惊醒，所以耳仔系应该唔会有问题嘅。
   然后去体检，医生话BB大得好慢，一个月先重咗一斤多D（BB出世时系6.9斤，系体检处称先重咗一斤多D，但后来系产科称就重咗有1.7斤咯），身高亦都只长咗3CM（出世系50CM）。可能系同BB夜晚训的唔好有关。医生诊断为缺钙所以导致睡眠不好。希望BB吃一段时间钙片后会好训D同长得快D啦。
   最后去咗产科游水。呢次番去游水就比当时岩出世系医院度游时叻好多了，之前游就系一落水就眯埋眼训觉，手仔脚仔都唔郁，自己系度叹。呢次去就唔训了，落水都睁开眼仔，然后手仔脚仔都识系度玩水，自己仲识用脚仔踢水令到自己氹氹转，好鬼精灵。搞到D护士同其他BB嘅家长都话瑶瑶好识游。最可惜就系我只挂住影相唔记得摄录低。不过BB一日比一日大下一去又一定更加识游，更加可爱。