![](/letter/letter13-top.jpg)
前几日讲既蜻蜓仔面上既湿疹,搞到全家人都心痛又心慌。而家点样呢?
前晚刚写完蜻蜓仔既湿疹篇日记,舅母见到就话,源源表哥以前都系咁样既,源源哥哥就系用咗“皮康王”就好咗啦,当时屋企冇皮康王,净系得“特肤王”,舅母就话特肤王唔知得唔得,不过,可以试下。但系要试下会唔会过敏(就系喺蜻蜓仔既耳仔边度搽少少,观察一吓,如果冇事就应该唔怕过敏)。结果,蜻蜓仔系唔怕过敏既。
不过,妈咪都系唔咪好敢用,只系搽咗好少既范围,哈,竟然有效啊!到今日为止,蜻蜓仔面上既湿疹已经好得差唔多了。(哎!全家人都松咗啖气!唸返起蜻蜓仔又出牙仔又湿疹,真系好辛苦!蜻蜓仔乖乖,妈咪锡晒你!以后健健康康听听话话啦!)
见到前两日既蜻蜓仔就真系辛苦啦!爹哋话而家唔使上课,可以带蜻蜓仔去学校玩吓,但系见到蜻蜓仔咁都系唔敢带出去吹风啦。而家好咗好多,唔知爹哋带唔带蜻蜓仔去玩呢?
![](/letter/letter13-bottom.jpg)