2008年3月22日早晨，蜻蜓仔既阿太（妈咪既嫲嫲）离开咗蜻蜓仔，离开咗妈咪，离开咗外公外婆……

    当妈咪听到消息时，好震惊。跟着，妈咪连早餐都食唔落，就同爹哋返咗英德啦。外婆话蜻蜓仔仲细，带返英德冇人照顾，所以妈咪冇带蜻蜓仔一起返。

    返去之前，见到妈咪眼湿湿，妈咪话，好后悔过年前冇带蜻蜓仔返英德见阿太，妈咪之前好似预见到啲嘢，总系好想带蜻蜓仔返去见阿太，但系……始终都系冇做到，就连妈咪之前同外公约好既，过年时照张全家福，结果，十年难得一遇既寒冷天气阻止咗妈咪同外公既约定，似乎，系注定咗既咁。妈咪话，哩个系一个哩一世都冇办法忘记既遗憾。

    蜻蜓仔想话，妈咪唔好再伤心了，阿太会心痛既，妈咪系阿太一手带大既，阿太虽然离开咗妈咪，但系阿太会一直系妈咪既身边，保佑妈咪，保佑蜻蜓仔既！

     妈咪仲话要同所有为人子女，为人孙，曾孙既人讲，珍惜与老人家一起相处既时间，多孝顺老人家。