今朝一大早就接到爷爷系石岐打返来既电话，吓咗妈咪一跳！蜻蜓仔发烧啊！爹哋妈咪即刻就请假返咗石岐，担心！

     嫲嫲最近身体唔舒服，喺板芙睇医生都睇唔好，无奈之下，返石岐医病。点知，嫲嫲都未医好，蜻蜓仔昨晚两点钟时，爷爷发现蜻蜓仔好烫，于是就带蜻蜓仔去睇急诊，医生话要打点滴，（咁细个BB，点打啊？）最后都系打咗屁股针。第二朝，仲未完全退烧，只有俾多啲水蜻蜓仔饮。食过粥之后，妈咪同蜻蜓仔去睡觉，蜻蜓仔出咗好多汗，妈咪一直同蜻蜓仔擦汗，不过，妈咪捻，出一身汗之后就会冇事既啦。

     之后，妈咪同蜻蜓仔测体温，都系正常既体温。到咗晚上睡觉，妈咪一直都好担心蜻蜓仔又再烧返，半夜醒咗几次，摸摸蜻蜓仔既额头，都冇事。唉！（松咗啖气！）

     BB发烧其实系很平常既，蜻蜓仔都算乖乖！经过咗今次发烧，蜻蜓仔又会坚强啲啦！继续健康成长！