蜻蜓仔会爬了。

    以前，妈咪以为蜻蜓仔学识一样嘢就好似睇电视既情景咁，一个镜头就学识了。经历咗蜻蜓仔学识坐之后，妈咪就发现，原来唔系咁样既，系要经历好多好细节既变化先会达到最后既成功。

    就好似咁次学识爬，老人家话“七坐八爬”，蜻蜓仔七个月系识坐得好稳啦，但系，到咗八个月，蜻蜓仔都净系识用手出力，向前后左右挪动。到九个月了，都只系识向前爬一步就“跌”落地了，哈哈，直到九个半月了，先识爬！之前爹哋妈咪成日担心蜻蜓仔会唔会唔识爬就学识行（因为八个月几，蜻蜓仔就已经可以扶住沙发行几步啦。）而家就唔怕啦，反而，而家要怕既系蜻蜓仔爬得快，到处爬，拦都拦唔住啊！有时，睡醒咗之后，爬到床边，挨住蚊帐，真系担心蜻蜓仔会跌落来啊！恐怖啊！

     爹哋妈咪又来啦！矛盾啊！BB唔识时又惊学唔识，学识咗又惊会受伤！唉！