| 姓名：邹俊沣 | 小名：BB猪 | 性别：男孩 | |
| 老实讲生BB真系一件好痛苦既事情，系生我个猪仔出黎既前一晚个肚痛到只可以用八个字形容-----求生不得就死不能，而且系生之前医生仲要经常检查我既身体状况，检查又系一件超痛苦既事，9月29日（亦即系B仔出世果日）下午大概两点几，医生叫我最好走动吓甘样会快D生喔，哗……………………唔行由事可，一行就痛飞起（讲系甘讲我既身形又点飞得起得架），不过当我见到其他BB系泳池仔度游水水既时候，谂个猪仔就黎同我见面，就好似无甘痛啦。我好似记得我系四点几入去产房既，入到产房个医生话我仲未生得要等一阵，果阵我觉得我自己已经系无晒力啦（事关果日无乜点食饭），到医生话我生得既时候，我就唔理三七二十一系甘出力（到左呢个时候系一D都唔痛既），系生既过程中我唯一同医生讲既一句话就系：“医生我无力啦！”点知个医生一句野‘达’过黎话：“无力都生到既”唉……真系一D同情心都无。终于十分钟过去啦……我个猪仔亦都出世啦！！！你估吓我生完之后既第一感觉系乜野？估唔到呢……哈哈哈，系好鬼死颈渴啊！！！不过好彩个医生仲有那么少少人性，装左杯水俾我，但我系用我果只连揸笔都无力既手去接黎饮架，真系无阴公咯！唉…… | |||