| 姓名：李军灏 | 小名：灏灏猪 | 性别：男孩 | |
|
妈咪从06年中同爹D就开始计划要我喇,距地话一定要有计划喔,首先要调理好身体,妈咪身体好即系我既身体好罗,甘我要大个囝食雪批丫嘛. 07年2月21号妈咪就知道我系距个肚仔里面喇,距知道我系度真系好开心啊,爹D知道之后就多谢妈咪送左呢份礼物俾距.但系直我我出世之前妈咪都好担心,因为4月22号妈咪肚仔吾舒服啊,距真系好担心会影响我,所以距就入医院安胎1个星期喇,点知一个星期后情况都系好一般喔,妈咪就索性吾番工,番婆婆屋企休息一个月.系呢一个月里面我一日比一日大个囝,妈咪系B超机度仲见到我手仔旭来旭去系度游水水,距见到我健健康康个心先定D. 到左5月中,我开始踢妈咪越踢越大力喇,距话我好曵，因为距挂个工牌系胸前，只要系我只脚仔可以踢到既地方我都要踢开距，距话希望我大个仔吾好甘曵就好喇． 妈咪原本打算休息一个月，但系距担心我，所以距干脆休多两个月，每次妈咪去医院检查都心跳加速，因为距好担心医生会话吾好既消息俾距听，但系好采，每次妈咪检查完都好开心，甘即系证明我叻叻猪无扭计啦． ７月１０日，妈咪约左医生做三维Ｂ超检查，距话好兴奋又紧张啊，因为距可以见到我既样喇．做检查时医生叔叔就俾我个样妈咪睇睇，距仲话我既鼻鼻生得好高添，其实都吾系好高遮．距又话要帮我影相喔，但系有野左住我好吾舒服，我旭来旭去距就话我曵曵喇，同我影相都甘吾俾面．后来妈咪番到屋企就即刻罗我张相相俾爹Ｄ同爷爷嬷嬷睇喇，距地个个都话我似爹Ｄ，仲话似爹Ｄ应该系囡囡添，哈哈，边系喔，医生叔叔无话你地知之嘛． 离我出世既日子越来越近喇，但系妈咪话好怕痛，想系预产期之前将我罗出来喔，而且预产期系１０月２０日重阳节，妈咪话吾系甘好喔，但系由于距早期宫缩，距成日都担心我会系距未有心理准备之前走左出来，所以距成日都提醒我，要我记住过左１０月１５日之后先出来，其实距已经安排好我系个日出世嘎喇，只不过距担心我提前自己出来遮． 到左１０月１４日喇，个日系妈咪生日啊，距约左医生１５日就做手术，距话好采我都听话无提前出来，但系生日就要留系医院待产喇，原来系我出世之前妈咪要做好多检查嘎，好采一切都正常． 2007年10月15日10点,我终于来到呢个世界喇,标准体重3.1kg,当妈咪听到我哭声之后,距都流眼泪啊,因为呢段时间真系又惊又喜,好吾容易先平平安安甘将我带到呢个世界.姨姨将我擦干净抱俾妈咪睇,妈咪话我好丑样啊,跟住姨姨就带我出去喇,爹D见到我都好开心,距即时打电话俾爷爷,原来爷爷嬷嬷一早已经系下面产后区等紧我地喇,我见到距地个个都四万甘口,就知道距地个个都好中意我喇.我既名名系由妈咪帮我改既,距话其实距最想帮我改名叫李逸熙既,但系爷爷嬷嬷距地比较中意李军灏喔,所以妈咪觉得改边个名都无所谓啦,最紧要听听话话分健健康康就得喇. |
|||