前排忙住过年，好耐无写日记了。

      吾经吾觉，月月已经有6个半月大了，人地话小朋友“三翻六坐,七滚八爬 ”可这个冬天实在太冻了，而且冻既时间又长，以致月月成日都着到成只粽甘，到6个月了，连翻身都未识。问过身边同月月差吾多大既小朋友，大多都还未识翻，自己才能松一口气，担心自己的小朋友系吾系比其他小朋友蠢D呢？？其实系自己林多左~~

      初五同月月返婆婆度，呢几日天气暖返少少，晚上训时都可以着少D衫同月月系床度玩，当晚同月月系床玩时，意外地发现小朋友好想学翻身，我便在旁边轻轻拉吓距帮距翻，点知帮左两次后，月月竟然识自己翻身了，虽然翻得比较辛苦，但能自己成功翻左3~4次，当时开心到我抱起小朋友系甘锡，因为担心距翻得辛苦，就比距自己翻左几次后就吾比距翻了，接下来果2~3日晚上训时我都比距自己翻几次先训。但好境不长，暖左几日，又有冷空气了，又开始冻返了，月月又要着到只粽甘，又翻吾到了。唉，真讨厌D天气时冷时热。

     琴晚我见又无甘冻了，帮个囡着左三件衫准备训，月月又好似想翻身甘，我又尝试比距翻，呵呵，又翻到啦，不过都系翻得比较辛苦，今日又比距翻左3次先训，希望月月能越翻越顺啦~~

     今日约左几位同院既妈妈一齐去帮BB映百日照，本来爸爸今日休息可以陪埋一齐去，点知临时要上班，唯有自己抱住个囡自己去。

     但今日月月好吾叻叻，影相时一咪扭计，D哥哥姐姐帮距换衫时一咪喊，系都要妈妈亲手换。到影相啦，其他弟弟妹妹（约左三个妈妈，三个BB都比我家的月月细）都系影楼既哥哥姐姐氹住来影相，妈妈就企系旁边睇，月月就最扭计啦，非要妈咪来氹先肯，仲好多时都系度喊扭计，搞到要影到一半就要抱开距来氹，等其他BB影住先~~唉~~其他BB有既一次就可以搞掂影好，其他既都系分开两次影都可以了，月月就要影左三次先勉强得，最早我地来，差吾多系最后我地先影好哇~~坐车返屋企时又系部车度扭计，平时坐车好少扭计都好乖既，吾知点解甘吾听话，凑到我都不知几辛苦~~

     晚上9点几我要冲凉就比嬷嬷凑住月月一阵，嬷嬷抱左一阵月月又系度扭计狂喊啦，搞到我都要快手D冲完去抱返距，当抱返房时月月已经喊到两只眼仔都红晒，流左好多眼泪，妈咪见到都不知几心痛，平时都无甘扭计过，当我话：妈妈比奶奶食好吾好，等我一解开衫扭，个衰囡竟然吾喊啦，马上系度笑，仲不知笑得几开心，我咪话距，你呢只奸精囡啦，甘鬼奸既，距仲笑得更开心~~食完奶后，月月仲不停甘撩我倾计系度笑，到训教时都仲想同我玩，我就吾鬼理距，关灯要距训了~~

    PS：今日月月甘扭计，可能怕生普哦~~以后要时不时经常带距出去玩吓先得，多D接触出边既世界~~

    影相时趁工作人员行开偷拍左几张，现场系吾比你影相的~~百日照既相要1个月左右先可以拿到，期待ING...

                                                            可爱既跳跳虎~~~

中场休息，训到只猪猪甘~~