哩一日接到医院免费同BB做问题奶粉体检既通知，爹哋同妈咪就带蜻蜓仔去医院检查了，虽然我哋食既惠氏奶粉系冇问题既，但系都想图个安心。检查结果系冇事既！放心晒！

    不过，都唔知系唔系去到医院病菌交叉感染，中午去，下午蜻蜓仔既身就开始发热啦。量过体温又唔系好高哦，到咗晚黑十一点几，再量系37.7度，有啲烧啊！爹哋妈咪有啲慌张了，手忙脚乱咁，冲咗护彤俾蜻蜓仔饮，半夜一直都系37度几，直到早上食完早餐，突然间升到39度，爹哋妈咪即刻同蜻蜓仔系当地医院睇，医生同蜻蜓仔打咗屁股针，开咗头孢xxx，（唔记得啦）返来食咗药，到咗中午蜻蜓仔既体温都仲系38度几，一直都降唔到温，直到下午先退到37度，点知到咗临天光时，蜻蜓仔好热，又烧到39度啦，爹哋妈咪决定要带蜻蜓仔去石岐中医院睇啦。

    去到中医院竟然发现咗一个好大既问题！唉！都唔知点讲啲医生好！一去到中医院，个医生就叫我哋同蜻蜓仔去扎手指验血，结果显示，惊人发现，蜻蜓仔既白细胞值超低，个医生话之前个当地医院个医生唔了解BB既身体状况就开咗“头孢XXX”，哩只药系会降低白细胞值既，亦即系会降低BB既身体抵抗力……就系因为哩个原因，蜻蜓仔就要打一个早上既吊针！真系好可恶！妈咪好心痛啊！

    点解会有啲咁既事情发生既？点解会有咁既医生既？大家都会认为医生开既药系对病人既病有帮助既，有边个会捻到个药系对病冇帮助反而有害啊！唔系做医生既，一般都唔会知道哩啲知识，但系作为一个医生冇可能会唔知道既！唉！咁样又点叫啲病人放心呢？睇来，除咗啲奶粉商之外，仲有啲人系唔系咁负责任既。作为父母，为咗孩子都要活到老学到老保护我哋既BB！