前几日睇咗新闻媒体报道既三鹿奶粉惨不忍睹既事件，突然间觉得，哩个世界点解会有啲咁无良既人，小朋友咁可爱，个啲BB先一岁甚至几个月大就要受咁大既痛苦，甚至先来到哩个世界几个月就要永远离开，离开锡佢爱佢既爸爸妈妈，个啲无良既人应该拉佢出来打靶啊！

   通过哩个事件，先发觉其实而家哩个世界已经有好多嘢系对人既身体有多多少少既危害，奶粉本来系营养既嘢都会导致婴儿死亡；大米系我们中国人几代相传既粮食都会有“毒米”；鱼系营养好高既食品都有孔雀绿；青菜含各种维生素又有农药；想话饮多啲水都惊啲水质唔得会有结石；鸡又有禽流感……人类要系哩个地球生存落去，要面对几多既挫折与困难？

    我哋蜻蜓仔而家先1岁两个月，系屋企爷爷嫲嫲想尽做尽所有既最好既食物俾蜻蜓仔，连瓜菜都系自己一手种出来既，蜻蜓仔比起好多小朋友算好幸福既啦！

    蜻蜓仔而家都饮奶粉，我哋饮既系惠氏奶粉同雅培奶粉，暂时冇听到有咩问题。不过，讲真，虽然我哋系一日先饮一次，但系妈咪都系好担心！~唉！唔饮又惊营养唔够，上次体检医生都话我哋缺铁勒！真系有啲迷茫，唔知点样既饮食先系最健康既!妈咪真系冇鬼用！

   都系个句：希望蜻蜓仔健健康康，快高长大！