唔知由咩时候开始，蜻蜓仔好中意学大人既说话、动作、表情，好多时候笑到成家人卷埋一舊。

     学睇报纸—— 从未捻过会有小朋友坐马桶睇报纸，更何况系一岁既BB，蜻蜓仔就系有哩个习惯，一坐上马桶就要拿报纸，跟着两只手打开张报纸，真系系度睇，睇得好认真，笑死妈咪啦！

     学跳舞——之前蜻蜓仔已经学识扭屁股跳舞，嫲嫲话蜻蜓仔去到公园，见到婆婆阿姨跳舞，竟然走过去同婆婆阿姨一起跳，仲连续咁转圈，转到跌胶仲跳啊。笑死嫲嫲啦！

     学弹琴——蜻蜓仔既电子琴好早就已经买咗了，不过，令爹哋妈咪笑到捂肚既系弹琴时个动作同表情，都唔知系咪睇电视学既，十足既钢琴家咁，摇头晃脑咁又识放电，真系笑死爹哋妈咪啦！

      ……

     “有样学样”应该系蜻蜓仔哩个阶段既特点，蜻蜓仔平时睇电视睇到边个叫都唔理既，其实哩个时候就系蜻蜓仔系度观察紧既时候。所以系哩个阶段，大人既平时习惯就要好注意，小朋友既习惯好多时候都系大人既习惯，爹哋妈咪都会好注意。

     希望蜻蜓仔可以养成好既习惯！