蜻蜓仔已经一岁五个月大了，虽然唔知蜻蜓仔听唔听得明白，但系爹哋妈咪都系已经开始喺蜻蜓仔睡觉前同蜻蜓仔讲故事了。

     一开始既时候，蜻蜓仔好百厌（调皮），一味咁抢个本书，一啲静落来听故事既样都冇。于是，妈咪就连教兼打手仔咁训练蜻蜓仔听故事要认真听，手仔要放好。到而家，蜻蜓仔睡前听故事既习惯已经好好了，而且，爹哋妈咪发觉蜻蜓仔好似听得明白故事既内容，而且仲模仿发音，讲到精彩既地方仲识得哈哈笑。(妈咪睇到哩啲真系由心咁笑出来，蜻蜓仔真系好得意啊！）

     不过，已经一岁五个月，蜻蜓仔仲系唔肯讲嘢，其实好多字蜻蜓仔都已经识讲，但系就系唔肯讲，尤其是一出街，真系一声都唔出。

     爹哋话昨晚发梦梦到蜻蜓仔会讲嘢了，蜻蜓仔，爹哋妈咪都好想你可以快啲讲嘢啊，放寒假妈咪带蜻蜓仔返外公外婆度个时，外公外婆好想听到蜻蜓仔叫佢哋既，而家差唔多放假啦，加油啊！到时仲可以同源源哥哥一起讲故事，一起觉觉猪啦！