6月23日早上，轩轩冷亲感冒流鼻涕，但精神尚好；

下午5点半，发低烧38.5℃，马上收工返去带佢去陈村医院睇，只开左D消炎药，自己买左美林退烧药和退热贴；

6月24日凌晨，反反复复38.5℃，轩轩唔舒服，扭计训唔好，担心，食左美林退了烧，稍微训左几个钟；白天精神还好；

下午4点，烧到39.6℃了，从来唔知哩个系咩概念度数嘅我真系好担心。马上翻去带佢去陈村医院睇，医生先同佢验血，话系病毒性感染感冒了，要马上吊针。针扎到佢小脚背上，佢拼命喊，眼红红望住我，好凄凉，听住佢声沙力竭嘅喊声，真痛心。一个钟后，点知只脚仔肿左，唯有讲针转去额头上面，又要痛多次，因为怕佢乱动，佢要训迪，我按住佢双脚，嫲嫲按住双手，护士姐姐按住头部，仲有个护士姐姐就帮佢打针，我只觉得个个情景好可怜，轩轩系咁喊系咁喊，佢想望我，我都唔咁望佢，我鼻子都酸了，就差眼泪没流。原来，轩轩遗传左我的爱哭和怕打针。乖，唔怕，妈咪喺度。足足忙了4个钟先翻屋企。

6月25日凌晨2点，39.6℃，面色差，无晒力咁，又无汗出，抱住佢食美林好似抱住个火炉咁。吓坏了，于是马上同爸爸送佢去市一医院睇。佢一见到D医生护士姐姐就喊，医生开左D消炎药和打左支屁股针。翻到屋企已经凌晨4点，又攰又眼训又肚饿，轩轩总算可以训翻好觉了。哎呀，冲D方便面填填肚先，饿啊。

仲要反反复复到几时，轩轩，快快好翻啊！

一波未平一波又起，轩轩反反复复发高烧了3天多了，好不容易先退了烧，点知今日返去见到佢全身出了好多小红点，但又唔见佢用手去抓，估计唔痕吧。哩两日又腹泻厉害，真喺辛苦轩轩了。

原来这些叫婴儿急诊（又叫玫瑰疹，幼儿急疹多发生于6至18个月的婴幼儿，常常是突然发病，体温迅速升高，常在39℃至40℃。高热早期重症患者可能伴有惊厥，有的出现轻微流涕、咳嗽、眼睑浮肿、眼结膜炎。在发热期间有食欲较差、恶心、呕吐、轻微腹泻或便秘等症状，并且咽部充血，颈部淋巴结肿大。发热三至五天后体温骤降，退热后孩子全身可出现大小不等的淡红色斑疹或斑丘疹，先从胸腹部开始，很快波及全身。这时孩子已经退烧，可安然入睡，在医学上称“退热疹出”，是幼儿急疹的特有表现。幼儿急疹对婴儿健康并没什么影响，出过一次后将终身免疫。）希望会好起来啦。

初为人父母，遇到突发事件难免会紧张，但仔仔女女总要经历一些事，甚至头晕身庆，所以，镇定最紧要，特别做爸爸的更加要勇敢、担当、有主见。好似今次，我就真系好担心，攰了好几日，好彩有轩爸爸顶住咋。同时，我亦明白左每一个做爸爸妈咪嘅真系为仔仔女女倾注左好多好多心血，佢哋嘅成长时时刻刻牵动著爸爸妈咪嘅心。我亦相信一家人嘅感情系共患难嘅过程中得以加深。轩轩，睇住你健康、快乐成长已经就系爸爸妈咪最大嘅幸福了。