轩轩，7个月有多，中意食手仔，拉佢只右手出来就食左手，捉住佢两只手唔俾食就喊，无奈；爱流口水，牙仔嘅影子都未见到，D长辈话：唔出“六”豆牙就出“九”牙，唯有耐心等。

哩排热，轩轩又好扭计，识得要人陪，望见我哋转身走就会喊，仲识得伸手要人抱抱，瞓下瞓下觉醒左又要自己翻身自己玩，望下佢佢仲得戚添，就系唔肯瞓；有时干脆放佢系床度坐，再俾玩具佢自己玩。除非佢自己玩攰左，仲要饮埋奶先肯瞓啊。爸爸瞓着左都仲想伸手去拉爸爸玩，又好激又好笑啊。 

人哋7个几月BB都爱依依呀呀吵，但轩轩哩个月反而静左，反正有得玩就得，就系唔出声依依呀呀，就算好开心都好，都喺咧开个嘴，手舞足蹈劲厉害，就系唔肯开声大笑。有时甚至几个钟唔出声都得，自己一个人系度周围望自己玩，就快将天街盆花D叶摘晒了，妈咪真喺极度无奈。

日子在过，轩轩在长大。