突然，好攰~，奢望想放个悠长假期……无烦心，无忧心，最紧要要瞓翻12个钟，唔准校闹钟。

妈咪自言自语了八个多月，轩轩依然未识得叫妈咪哦。小轩轩，男baby，身高70cm，体重8.8kg，未有牙仔，未识得爬，唔中意讲嘢，好中意流口水，食手仔，又好中意笑，识得扭计要抱抱，想企起身，开心就手舞足蹈。

轩轩宜家识得认自己嘅嘢了，喂佢饮奶，佢识得自己伸手罗住个奶瓶盖，抓得好实,仲不停咁摇摇摇。

^_^小轩轩竟然识得一只手啰住部飞机，再用另一只手嘅食指去转动机翼&轮子，聚精会神呢，妈咪边望就边偷笑。真系特爱佢嘅小手啵。

 虽然仲系爬得唔叻，但洗白白个阵，佢识得扶住个盆企起身了，仲要不停咁伸手啰D洗白白用品。总算想爬了，一用力就翘起个Pat Pat了，好搞笑；轩轩终于悟出了：当佢趴系床度，翘起Pat就可以跪起身，Pat再向后就可以坐翻起身了。一系列动作连贯至极，醒目O(∩_∩)O~唔需要强求BB什么六个月识得叫爸爸妈咪，七个月识得系床头爬到床尾，只要佢健康快乐成长已足够。