今日系琳琳返托儿所既第三日，今**发信息同老师沟通过，所以今晚去接个时感觉好佐好多，阿爸上到去话见到老师正抱住琳琳系度饮水，后来走个时话琳琳仲同老师拜拜添，不过返来之后先发现距有D流鼻水，(我同阿老今早起床个时老话有D喉咙痛)，可能晚黑吹空调搞到有D感冒。而且返来之后俾水距都唔饮，可能今日饮够水啦！虽然昨晚俾人咬到，但返来之后都猛唱歌个喔，听佐一阵先听到原来系唱“拔罗卜”，有时又唱“世界真细小”同“鲁冰花”，因为呢几首整我晚晚放来俾距听架，一边听一边训觉既歌。唉！距始终对返学有D恐惧，头先训觉训训下又发开口梦，一边哭一边叫走。我阿老话叫我唔好理距话距系发梦，但系我觉得叫醒距话距知系屋企唔系系学校，所以最后我都系叫醒距，后来睁开眼睇佐下我之后就训返咯。阿女你千奇唔好感冒啊！我怕怕啊！今晚吃佐药明日就好咯，一定无事既。