今日系琳琳返学既第四日，今早带距睇完医生就带距返学，小家伙成日都话“街街，婆婆度。”意思即系叫去婆婆度。一去到学校门口，我都未落车距就开始哭啦！唔知系唔系感冒关系，今日哭声好似好无助甘，觉得距认为哭都系要入去，所以都唔系好大力甘哭，一入到学校前院度，就见到好多小朋友同老师系度做早操，当时距都停佐一下无哭个，但系一睇到老师过来接距，又开始大哭，同老师交待佐距感冒啦！要喂药比距吃，老师话“唔怕架，感冒都唔紧要架，好快会适应就无事个啦！”后来我就走啦！走出来之后先8点多D，时间好早啊！打完电话比阿老之后，我就停佐车系学校前一个路口个度发信息比老师，交待几点吃药，帮距擦鼻涕，比多D水距饮。之后玩佐一阵手机，睇到25分啦！我就开车返公司，点知返到来同事仲未来，后来就同隔离屋个个系度倾计，倾佐一阵就开始有人来啦！

     我呢两日有D泄气啦！听到琳琳哭得甘惨，今日仲病佐，个心唔知点甘，我实在系怕，怕我既小宝贝受委屈，我自己心入面都好大压力，我每日伤心难过个时就上网查下，睇下网上系点讲既，其他甘细上托儿所D父母又系点样处理既，睇佐心入面舒服好多，我知道作为爹爹妈妈，如果我地都唔学识点样放手个话，距更加学唔到野，屋企本身无咩小朋友同距玩，脾气会变得好娇，返学系大集体，脾气点样都会有改善。而家1岁几，就系建立自己脾气既时间，再大D，3岁定80，就教唔到个啦！有一样野系好庆幸既，起码阿女返学几日真系学到小小野，知道边D系自己既，边D系人地既，讲野都讲多佐，识得同人打招呼，又识得哼下歌仔，无以前甘蛮，无甘怕生。就系唔开胃。呢样就系最衰。训觉发恶梦，成日叫走，意思系唔返学。

    头先又打佐个电话去老师度，老师无听电话，后来就打去学校办公室度，系园长听电话，园长话距地系楼下玩紧，而家无扭计啦！就系吃早餐个时扭计，结果系无吃到早餐既，扭完计再开奶比距吃。我再同距讲距几点吃药之类既野，等阵12点几我再打电话去问下有无比药距吃先。个心好烦啊！真系好烦啊！我觉得我既分离焦虑症仲西利过阿女既。但系我真系放心唔落。但系呢D我都唔会系阿女前面表现出来既。我会同距讲返学系好架，老师会教琳琳唱歌，跳舞，读书，写字。姐姐又返学，晴晴又返学，之后距仲话“琳琳学学”。琳琳快D好啊！