眨下眼，10嗰月就咁过咗啦！（其实都未满10嗰月的，因为B仔37周+就提前出世噢！）
刚开始，日日对着日历数日子，感觉还挺难挨的。但，一嗰小生命活生生咁诞生，手舞足动咁出现係我面前，一切的一切都令我有种说不出的激动+开心！
B仔出世啦！谂唔到，哩一切的一切，同我的婚礼一样，来得咁突然，过得亦太匆忙。（何解咁讲？）哈哈哈……结婚当年，係我毫无计划的情况下完成了我人生的第一件大事------结婚。係长辈们的安排下，择了日子，办了婚礼。婚礼当天，还超匆忙呢！忙到我婚礼过后，回想过程，观看结婚录像，除咗觉得自己婚礼当天麻目地听着长辈们的吩咐，做着一件件乡村习俗的事外，其余新一代人的浪漫、热闹婚礼感觉，我一DD都FEEL唔到。依家，B仔出世第8日咯，望住眼前熟睡的B仔，回想起过去一周的点滴，总结依旧得嗰“匆忙”。当然，匆忙得来，紧张、激动、惊喜……系少不了的！
（何解又咁讲？）哈哈哈……因为，2011.11.25早上，系我最后一次做产检的日子。係哩嗰看似平凡，却充满未知变数的日子里，我又一次在毫无准备的情况下完成了我人生的第二件大事------生BB。本嚟以为哩次又系一次普通的产检，但，万万谂唔到，经过胎监+B超的检查，神山医院的医生都建议我随时做好剖腹产的准备，越快越好。本嚟，听老公同家婆的商量，打算过多两、三日再安排落广州剖腹产的，后来，係我安静地瞓紧午觉时，老公同家婆都突然打电话俾我，喊我唔好饮食任何野，准备出发立刻落广州。就咁，无厘头地，係老公同家婆的手忙脚乱中，当天下午5点咗右到达广医三院。同时，亦係燕姐的安排下，直达产检室，做好各项产前调查+产检+准备。晚上7点几，医生来啦！就咁，又一次无厘头地被推入手术室，係1嗰半钟左右的紧张状态中，被剖腹了。晚上7点49分，被告知顺利产下一嗰健健康康，身长49cm，体香3050g的男婴……
产后第一晚，因床位紧缺，我被安排临时入住待产科，因此，当晚，我除咗感觉周身疼痛外，其余一切的一切都顾唔上噢！当然，为咗B仔的健康，当晚，B仔另被安排住入婴儿室。所以，B仔出世第一日，我除咗得知系嗰健康男婴外，其余咩样貌、手脚之类，我都一一不清。
产后第二日，麻醉药逐渐消退，伤口的疼痛感越来越剧烈。老公陪咗我一整晚，累了。换家婆值班。同时，产科终于有床位了，我终于可以同B仔一齐了。但，只可惜，我身体不适，自己都照顾唔到自己，何来照顾得B仔呢！所以，第二日，我依旧无认真看清B仔的样，亦无同B仔亲密接触的机会。不过，庆幸有家婆的悉心照顾，佢不但照顾好B仔，仲照顾埋休养中的我。家婆，辛苦你啦！
产后第三日，又换老公嚟值班噢！今日，终于有机会同B仔亲密接触啦！B仔好细嗰，就如佢大姨妈所讲，好似“丁香”咁～哈哈哈……B仔爸爸、妈妈都系娇小的人，生嗰丁香出嚟，有乜出奇喔！只要B仔健健康康，我就心满意足啦！刚开始，係家婆的悉心照顾下，无论白天还是黑夜，B仔都系同一房里瞓得最香，最安静，最听话的一嗰。但，到咗B仔爸爸接手照顾后，可能新手问题呱！白天B仔仲算安静的，但，一到深夜，便成了全场最反动的一嗰。整晚扭计、哭骂……唉！哩一晚，加上我开始涨奶疼痛，老公又照顾不上B仔，搞到我一夜难眠。不过，无论如何，哩一晚都系我哋一家三口一齐过的第一晚，见到B仔爸爸忙得来有点紧张，紧张得来有点激动，激动得来有点幸福……哈哈哈……初为人母，初为人父，原嚟感觉系咁样的！
产后第四日，老公再忍受不了。于是，只好又换上家婆嚟照顾我。B仔係嬷嬷的照顾下，又听话多了！我可能第一日就坚持落床走动的原因，所以伤口反而无咁痛噢！但，哩样好D，另一样又嚟啦！可能仲有D涨气的原因，搞到肠胃痛得要吃胃药先忍受得了。就咁样，产后第四日，係胃痛的折磨下艰难地度过了一日。
产后第五日，老公极力坚持连续挨夜照顾我哋两母子一日两夜，好让家婆好好回家休息兼做好迎接B仔翻屋企的准备。可能吸取咗第一晚照顾B仔失败的教训，再加上老公努力向家婆咨询+学习，哩一日两夜，B仔听话多了！我同老公休息的时间亦多咗。哈哈哈……原嚟，只要我哋有恒心，凑B仔的事系唔会难到我哋噶～哩嗰反而变成咗一种乐趣。
产后第六日，YA-HO~我同B仔终于可以出院翻屋企咯！虽然哩日俾医生一拖再拖先伤口拆线完毕，但，可以提前一日出院，我哋已经超开心啦！而且，仲有B仔爷爷、嬷嬷、南哥、老公亲自开车嚟接送呢！
哈哈哈……B仔出世点滴看似简单，但，係哩一周内，我心情的起伏，无法用任何语言表达。B仔的出世，俾咗我无限的惊喜+安慰。见到上天锡B仔俾我作为一份无价的礼物，以前的任何艰辛都变得过眼云烟。展现係我面前的，系充满希望、充满幻想、充满期待、充满幸福的未来！
B仔，你就系爸爸、妈妈的爱情结晶！你就系爸爸、妈妈日后努力的重大目标！你就系爸爸、妈妈未来生活的支柱！
我哋爱你！
祝你身体健康！快高长大！