无见表姐仔10几日，加上有B仔做对比，真系蚊比同牛比。学B仔老窦话斋，表姐仔只手臂仔已经大过B仔只大肶；表姐仔嗰面仔已经等于B仔两嗰面仔……咁样一比，真系显得我家B仔更加娇小了！

        B仔翻嚟屋企一周啦！按我的观察+对B仔日常生活的记录嚟睇，B仔白天实在太会瞓啦！搞到一到晚上2、3点，就精神弈弈，成晚眼仔睩睩唔肯瞓觉。饮食习惯仲衰下添！哩头刚吃饱饱，果头又屙咗！屙完啦！又张大嘴仔扭晒计稳食。有时甚至吃紧都要屙！真系俾佢搞到我同佢老窦一嗰头两嗰大！

        有时仲搞笑！哩头刚帮B仔洗完白白着衫，果头好话屙嘘嘘，射到床单、被铺都湿埋，搞到我哋手忙脚乱！

有次帮B仔换片片时更反动！哩一头佢老窦好认真咁帮佢换片片，用湿纸巾擦屁股，都未嚟得切擦干净，果头好话又继续屙督大臭臭出嚟，搞到佢老窦避都避唔切，真系唔知好笑定好哭？！

        生嗰小朋友唔易！凑嗰小朋友更唔易！

        希望B仔乖D，好凑D！无再折磨我哋两公婆咯！