今日系升中考试既第一日。作为一名监考老师，监考既时候简直系煎熬。就咁坐系度等，系一个漫长既过程。于是，系做完应该做既事之后，我通常会睇试卷，跟住就系睇学生座位表。系座位表上既学生相系渠地岩岩入初一时影既。女仔基本上只系发型既变化，而男仔既变化系最明显既。当年既baby fat已经无晒。呢届初三我带咗两年，对大部分学生都比较熟识。唔知点解，每次监考初三都会有种失落既感觉，睇住呢班当年经常围住我叽叽喳喳既小朋友即将要开始另一段新既旅程，就会捻到而家经常系我身边叽叽喳喳既噶班小朋友唔知几时就会到渠地准备另一段新旅程。可能系我工作既四年入面带咗三年初一啦，总系觉得自己已经工作咗两个三年咁。
    BB，原来三年好容易过架。当你坐系高中或者大学既课室捻返初中或者高中既生活既时候；当你睇住当年你教既学生就来毕业既时候；当你又重新带新班既时候……爹哋做老师既原因系因为想留返系校园。爹哋唔敢讲自己系度培育紧祖国既未来，亦唔奢望有朝一日桃李满天下。爹哋想既，只系将爹哋既见识带俾一班又一班既小朋友，只系想佢哋学会最简单既为人处事，只系想尽可能俾佢哋系现今已经被扭曲既中国教育底下开开心心咁拥有自己既校园生活……
    所以，BB，你系以后既每一个三年，都要开开心心咁度过，都要拥有你自己既每一个快乐时代。