妈咪系上星期六用咗一个下午帮蜻蜓仔搞咗第一个未完善既相册视频，用既相基本上系蜻蜓仔啱满月时噶啲，前边几张系前排番风时影既。两个时期（大约相差两个月）既相摆埋一齐，显得蜻蜓仔既变化好大。由啱出世时既幼嫩，到而家既咿咿呀呀。啱满月时仲只系识定眼睇抱住自己既人，偶然翘起嘴角作微笑状，因突然既巨响而大喊。而家已经识得寻找吸引自己眼球既物件，并且伸手试图触碰；钟意有人陪系身边，发现身边冇人就大喊要挟；玩得开心时会有银铃一样既笑声，只因为同一个动作或同一句话（上星期六爹哋就以不断重复一句低沉既“你系一个大番瓜”令蜻蜓仔笑到唔愿训）；突然既巨响都只系可以令蜻蜓仔全身一震，不哭不哭啦！

从2007年7月18号到而家，时间系度不知不觉咁过，而蜻蜓仔各方面亦都系度不知不觉咁变化，而呢啲变化肯定会持续，而且更精彩。