蜻蜓仔终于都去咗学校啦！

     爹哋妈咪既同事——即系蜻蜓仔既叔叔阿姨，成日都叫爹哋妈咪带蜻蜓仔去学校玩。但系爹哋妈咪始终都唔肯带蜻蜓仔去！今日终于都可以去啦，不过可惜学校既好多哥哥姐姐都唔系度，蜻蜓仔只系见到文玲阿姨既个个弟弟。

    今日中午有几个姐姐来蜻蜓仔屋企玩，妈咪话佢哋系妈咪以前既学生，妈咪仲话佢哋好叻既，考到纪念中学啊。妈咪话蜻蜓仔以后要叻过佢哋先得喔。哈哈！个几个姐姐好恐怖啊！一来到就抱住蜻蜓仔锡，搞到蜻蜓仔扁嘴哭先肯放手啊！恐怖既靓姐姐啊！

    妈咪同姐姐们倾咗成个下午，之后妈咪仲带佢哋去咗学校睇妈咪而家既学生。本来今日系星期六，妈咪唔会返学校既，今日如果唔系哋姐姐过来，蜻蜓仔都冇咁既机会去学校玩啊！画室好好玩啊！（蜻蜓仔兴奋到手舞足蹈，成个下午都唔肯训觉，去到学校更加唔肯训觉，太新鲜啦！）

    妈咪要系画室度，就唔得闲陪蜻蜓仔玩啦。于是，爹哋就抱住蜻蜓仔去玩，(*^__^*) 嘻嘻……蜻蜓仔更加开心，因为啲叔叔阿姨都话蜻蜓仔好靓女好得意啊！赞到爹哋既尾巴都翘到树上面去啦！哈哈！原来俾人赞，最开心既唔系蜻蜓仔，而系蜻蜓仔既爹哋妈咪！

    梗系啦!天底下所有既父母都会系咁既！睇来爹哋妈咪都要带蜻蜓仔多啲出去玩，蜻蜓仔每日都冇咩地方玩，都冇几多哥哥姐姐玩，会好孤单既！