前几日，姨婆同丈公系香港番咗来，爷爷嫲嫲同妈咪先带咗蜻蜓仔番石岐见佢哋，爹哋收工后亦都上埋去。

    晚饭时间，一家人同埋姨太一家系天天渔村食饭。食饭前，蜻蜓仔训咗一阵，之前下午都冇乜点训。坐系饭台度，蜻蜓仔玩到唔肯训，搞到爹哋要一手抱住蜻蜓仔，一手夹餸食。冇计啦，蜻蜓仔最大！

    一段时间之后，蜻蜓仔定咗落来。爹哋发现时，见到蜻蜓仔定晒咁望住企系旁边负责我哋呢张台既靓女侍应姐姐，个侍应姐姐好似其他外人见到蜻蜓仔咁，静静鸡用各种表情引蜻蜓仔玩。于是，爹哋就继续食。点知，蜻蜓仔突然之间大喊起来，妈咪以为有咩吓亲蜻蜓仔，顺住蜻蜓仔望既方向睇咗吓。爹哋当然知道发生咩事啦，不过仲系望咗吓个靓女侍应姐姐。个靓女侍应姐姐即刻行过几步，避开蜻蜓仔既目光。蜻蜓仔竟然仲得势不饶人，一边喊一边跟住靓女侍应姐姐望。其实，蜻蜓仔只系想训觉，咁啱又望住靓女侍应姐姐，突然喊出来嗟，唔关靓女侍应姐姐事既。所以爹哋就同妈咪讲冇咩事，叫蜻蜓仔唔好喊。

    其实，如果当时爹哋向靓女侍应姐姐发难既话，情况应该会几过瘾，不过就难为咗噶个靓女侍应姐姐啦！

正文从这里开始: