最近妈咪冇同蜻蜓仔照相，因为蜻蜓仔既面仔伤得好严重……

      之前，蜻蜓仔既两颊长咗啲红红地既嘢，老人家话啲嘢叫做“奶廯”（医生话系湿疹）。后来用咗只叫葡萄糖酸氯己定既软膏搽，又好咗好多。但始终唔断尾，一吹风又严重返。喱几日竟然严重得有水泡，还流水。去睇咗医生，医生一开始话唔使理佢，细佬仔系咁样既。跟住妈咪就话：“但系好似越来越严重了哦，而且仲流水啊。”点知个医生竟然话：“咁啊，咁开啲药吃啦。”跟住就开咗四十几蚊既内服药。（当时妈咪觉得喱个医生唔系咁信得过，因为医生睇病人个种眼神过于随便。）

     返到屋企，妈咪俾药俾蜻蜓仔食既时候先发现啲药俾咁细既BB食既，唔应该系咁大粒既。（又再次觉得个医院并唔系咁专业啦）之后俾蜻蜓仔食，结果一口都冇食落去，蜻蜓仔连药带奶一起全部“喷”晒出来。而且，好凄凉咁哭！天啊！咁难食既药BB点食啊？哎！唔食啦！

     后来妈咪系网上查到，有一种叫“马齿苋”既植物，煮水冷敷。这种植物平时我们家都拿来煲汤喝既，妈咪唸应该冇问题。反正都冇办法啦，就试吓啦。

     今日早上，天气好冻，爷爷去出边搵咗“马齿苋”返来，于是妈咪就用来试啦，观察咗一日，有一边面仔似乎干水咗好多，冇咁多水流出来了。不过仲系未好晒，听日要睇吓，如果冇进展，就要返石岐睇医生啦。哎！真系好担心……