昨日，妈咪上咗石岐睇医生，上咗药，返来之后喂奶俾蜻蜓仔食，之后蜻蜓仔就喷奶，跟住成个下午有几次喷奶，妈咪估，究竟系唔系啲药既问题呢？

    点知，未等妈咪慢慢去唸，妈咪就逐渐觉得全身无力，连抱蜻蜓仔既力都冇。到食晚饭既时候，妈咪全身既骨都酸痛到冇法忍受既地步了，食嘢都冇胃口食。妈咪勉强食咗啲嘢之后冲咗个凉，用好热好热既水冲都觉得全身好冻，好似系心底里面发出来既寒气，好冻。

    妈咪冲完凉都到咗蜻蜓仔睡觉既时间了，不过，蜻蜓仔习惯咗要食饱咗奶先睡既。妈咪惊啲药会过俾蜻蜓仔，唔想俾奶俾蜻蜓仔食，就叫嫲嫲俾米糊蜻蜓仔食，哄佢睡觉。跟住妈咪就上楼上床啦。爹哋同妈咪盖咗四张被，妈咪都仲系觉得好冻，躺咗成个钟个脚都系冻既。

    妈咪除咗冻之外，头仲好痛，点都睡唔着。蜻蜓仔想睡觉又冇奶奶食，于是就哭，闹。妈咪系楼上听到蜻蜓仔哭得咁凄凉，但系又唔可以哄蜻蜓仔睡觉，忍唔住眼泪就出来了。心里边就系度喊——乖女啊，妈咪既心肝宝贝，唔好哭啦，乖乖啦，乖乖睡觉啦……（喱种感觉真系好难受！天底下所有既妈咪听到自己既BB哭得咁凄凉应该都会好似蜻蜓仔妈咪咁心痛。）

    后来，蜻蜓仔唔哭了，不过就一直都唔肯睡觉。仲一阵阵咁哭，最后妈咪都系叫爹哋抱蜻蜓仔上来，同妈咪一起觉觉猪。咁样蜻蜓仔先乖乖哋睡觉。(哎！傻猪仔真系扭计！）

    始终都系觉得系妈咪既身边睡觉最有安全感……