![](/letter/letter3-top.jpg)
昨日蜻蜓仔既妈咪正式上班啦,妈咪系蜻蜓仔仲系度发紧美梦既时候就静鸡鸡咁返咗工,蜻蜓仔最中意同妈咪一起睡觉,所以冇咗妈咪系身边,蜻蜓仔都起得比较早,放寒假时蜻蜓仔会睡到十点几(懒猪仔!(*^__^*) 嘻嘻……),而家就睡到八点几啦。
蜻蜓仔好独立既,朝早起身见唔到妈咪,就识得大声叫,见到嫲嫲都好开心既,跟住就乖乖哋“の臭臭”,跟住食粥仔,食饱粥仔就自己系车仔度玩,玩到累了就睡觉,睡饱咗又玩,玩到妈咪返来!哈哈,一见到妈咪就不得了啦,开始撒娇,扁嘴,要妈咪抱抱,要妈咪同佢玩。
下午都系一样,妈咪上咗三日班,喱三日蜻蜓仔都好乖乖,以后都会好乖乖,因为蜻蜓仔大个女啦,要学识独立啦!
![](/letter/letter3-bottom.jpg)