今年既新年系蜻蜓仔过既第一个新年，妈咪话过年好好玩既，细蚊仔都好中意过年，因为有新衫穿，有好多好食既嘢，又有利是抖，仲可以玩炮仗。哈哈！蜻蜓仔都好中意啊！

     不过呢，今年过年我哋屋企就冇咩过年既气氛啦，因为我哋有一个“二伯婆”喺年二十九个晚过咗身，照喱度既习俗，亲人系唔可以过年既——包括唔可以去拜年，唔可以派利是，唔可以贴春联，连除夕既团年饭都好似平时咁。所以，蜻蜓仔今年过年都无嘢玩。不过，爹哋妈咪封咗个大利是卑蜻蜓仔啊！仲有靓靓新衫穿啊!爹哋妈咪仲成日带蜻蜓仔去街街，好多靓嘢睇啊！

     年初五个日，外公外婆仲来咗石岐同蜻蜓仔玩，不过，第二日佢啲就要返英德啦，仲记得外婆系几唔舍得蜻蜓仔既，系酒店准备走时都要返转头返屋企抱一阵蜻蜓仔先肯走。妈咪话，等爹哋妈咪放暑假时，就会同蜻蜓仔返英德玩既啦！好期待啊！

     过咗新年，妈咪话蜻蜓仔要听听话话，身体健康，快高长大!