好耐之前，蜻蜓仔已经可以坐住既啦，不过，正确来讲，真正系唔使任何人系身边陪住来坐都可以坐得好稳既系喺上个星期既某一日，妈咪做咗大胆既试验先知道，原来我哋蜻蜓仔又大个女啦！哈哈！

    咁快就过咗一个几星期了，妈咪每日都好忙，都唔得闲上来同蜻蜓仔写日记，每日蜻蜓仔一起身就唔见咗身边既爹哋妈咪，直到12点先见到爹哋妈咪，跟住又同爹哋妈咪一起睡觉，一醒返又唔见咗爹哋妈咪啦！又要到6点钟，爹哋妈咪先返。好在，爷爷都仲会带蜻蜓仔去街街，咁样蜻蜓仔先冇咁闷。而且，嫲嫲仲煲粥仔卑蜻蜓仔食，所以，蜻蜓仔就算妈咪唔系度都唔会饿亲！

    今日，爹哋妈咪放假啦，仲带蜻蜓仔去咗爱婴岛，买咗好多新衫仔啊！(*^__^*) 嘻嘻……蜻蜓仔见到好多好靓既嘢啊！但系，蜻蜓仔又唔识讲嘢，净系系度“啊！啊！啊！”跟住就用手仔去抓，一开始，爹哋拿咗对好得意既鞋仔，蜻蜓仔好中意，一手抓住就唔肯放，直到妈咪拿咗一条绿色既吊带裤卑蜻蜓仔，蜻蜓仔先转移视线，抓住条裤仔，又唔肯放啦！哈哈！傻猪仔！

     蜻蜓仔又大个咗啲啦，之前既衫仔穿上身，又窄咗啲，所以爹哋妈咪去买新衫仔，虽然又要用钱，但系爹哋妈咪好似用得好开心咁！因为爹哋妈咪最想既就系蜻蜓仔健健康康，快高长大！蜻蜓仔学识咗一样嘢，最开心既都系爹哋妈咪，就好似喱两日，蜻蜓仔识得自己出力整个人反起身，（不过，蜻蜓仔仲系好依赖妈咪，就算唔使妈咪出力拉，都要拉住妈咪既手先肯翻身)就咁样，妈咪都已经开心到拍晒手掌，成个人都跳晒起身啦！真系傻猪妈咪！(*^__^*) 嘻嘻……

     蜻蜓仔会继续努力既！