2008年3月12日，喱一日系蜻蜓仔自出生以来同妈咪分开时间最长既一日。

     喱一刻，妈咪好挂住蜻蜓仔，挂到好想喊……

     前面讲到蜻蜓仔断奶度过既第一晚，比较乖。但系到咗第二晚，蜻蜓仔就开始扭计了，成晚都要爷爷嫲嫲背住先肯睡。一放低就醒，一背住即刻又睡！哎，搞到爷爷背住蜻蜓仔坐系沙发度托住个腮来睡觉，一直到天光。

      第三晚，蜻蜓仔仲扭计，唔肯睡觉，又唔肯食粥仔，连妈咪抱住都哭。哭咗一段时间，妈咪抱咗蜻蜓仔上楼，可能蜻蜓仔中意啦，真系唔哭了哦。但系都系唔肯睡，又唔肯关灯，卑奶粉又唔要，爹哋背住都唔肯，最后，都系要妈咪抱住先睡着。哎！搞到成1点几，真系拿蜻蜓仔冇办法。半夜，蜻蜓仔又醒咗啦，拍拍唔肯，抱又唔肯，奶粉又唔肯食，嫲嫲上咗来话背住蜻蜓仔，点知抱过手喊得仲大声，后来，妈咪抱返先收返声，抱抱吓又睡咗啦。放落床睡，一阵阵又喊两声，妈咪拍拍吓又睡返。直到天光啦，又跟住妈咪一起起床啦。

      唔知系咪因为蜻蜓仔晚上唔乖，所以嫲嫲先会带蜻蜓仔返石岐，虽然妈咪好唔舍得，但系，可能咁样对蜻蜓仔都比较好既。不过，妈咪真系好唔惯啊！

      好在妈咪今日已经唔怕胀奶啦，系喱度向有机会睇到喱篇日记，又想断奶既妈咪们推介一样好嘢，就系“豆豉蒸猪肝”，妈咪昨天晚上同张家边既姑婆通电话，先知道喱个秘方，就即刻叫爹哋去买啦，到九点几先煮好来食，到今朝，妈咪已经觉得松晒啦，唔怕帐住痛啦。

      妈咪就冇事啦，蜻蜓仔，今晚唔系妈咪身边，就要乖乖哋啦!千期唔好扭计啦，咁样会搞到爷爷嫲嫲好辛苦既。乖啦！