讲起我BB个名，真系折腾左一个月啊，等到最后一日先去办出世纸的，原因她爸爸太多想法，太多要求咯~！

开始时问爷爷嬷嬷意见，睇下使唔使话跟住的咩咩来按的，嬷嬷话唔使比我地自己按，所以呢~爸爸之前系谂好左叫孙希琳的，妈咪话用呢个“晞”，结果爸爸又话个希字上面交叉唔好，所以又重新谂过，时间一天一天紧过去，我地两个日日上网查资料，搜名字，睇下边个字好听又好睇，爸爸仲要用果的名字评分软件，所以呢，谂过好多好多过都话唔好~又话BB缺木，所以又要稳属木字，真系难度高！最后经过一轮讨论后，决定系晞琳啦，话比她嬷嬷话，结果话个琳字唔得，因为她的叔公也叫“林”显然我还不知道是哪个琳，之后唯有又谂过，决定叫“梓晴”，开始她嬷嬷又话个晴字唔得，之后唔用的原因系我地屋企附近有个人都叫呢个名，所以唔用！

接住仲谂左有：梓玥（爸爸话玥叫起来翘口）思颖（又与的亲戚相同）欣妍（都与的亲戚相同）韵芯（名字评分有孤独运，爸爸唔钟意）

最后，用钱搞定，孙玮谣呢个名系比钱人地按噶，我觉得都几特别下，有少少中性啦，唔系太女性化果种，其实我都觉得女仔要有少少坚强，唔可以太娇，要有自己的性格！所以妈咪希望我囡囡以后唔好太娇，最起码凡事要有自己的意见，做个真正的自己！其实仲有个名可以选的叫“旖瞳”，我都几钟意呢个名，不过爸爸个同事个囡囡都叫彤彤，所以无选咯！不过呢两个字笔划都太多啦，比妈咪个名笔划仲多，以后囡囡学写名字，有排学啊，哈哈。。。