|
系十一月二号星期日，系早上七点钟开始我就觉得肚有D痛，我就同老公讲，牛牛我肚有D唔舒服，会唔会BB要出黎了。当时老公仲系睡梦中。距话无可能既，一阵就无事了，甘我又训了，到九点痛既感觉比之前强了，原本应承左距妈话陪距婆婆去饮茶既但我痛到唔想郁，呢种痛就次M痛甘。好累成个人，我同我老公讲依家比之前痛左了，我老公就成个人醒晒话要陪我去医院。当时我唔想去，我惊住院，因为住院好闷。我就话再等等喇，睇下下晏点先喇。我老公就话好，你如果再唔舒服我地就去，十点钟，十一点……每过一个钟个阵痛相隔既时间就越短，后黎到左三点我忍唔到了，同老公讲我地去医院了，老公二话无讲就带D证件，带左钱就去医院。当时我地谂可能要住一两日BB先会出世，所以无带任何换洗既野。点知一去到医生做左一下检查就出去同我老公讲话我要入产房。当我老公同我讲果时吓左我一下，点解医生无同我讲。后来护士推左张床入黎话要送我上六楼。到左产房门口我同护士讲，可唔可以等下我老公黎先。因为我果时好惊再讲我老公去左交钱。但护士话唔得你宫口开左两公分了就甘推左我入去。我一入去好惊惊到脚都阵了。但果时我都未穿羊水，后黎都系医生帮手既，穿左羊水之后果种痛真系要命，时间越长就越痛。我出晒冷汗，痛到想呕，痛到无办法唔大声叫。系中途护士挪左D朱估力一支奶同一张字条（写咩就唔话俾你听了）我睇完之后好感动。护士都话你老公好浪漫。好锡你。系果两个半钟我叫左医生好多次几时可以生得，问医生好多次点解甘痛，点样先唔可以痛，医生就话BB出黎就唔痛了。（谂翻起真白痴）到左七点医生终于都话可以生得了，用力，我不用埋食奶既力一心就想你快D出黎喇，我顶唔顺喇，好痛啊。我最记得我讲，医生我好急S啊，我惊我唔左出黎啊，医生就话，你疴喇，我唔惊我见得多了。而我就话甘样好丑架……呵呵。经过二十几分钟既努力BB终于出黎了，出黎果时医生第一时间唔系俾我睇系仔定女，而系去剪脐带做检查。不过距唔俾我睇我都睇到BB，因为距就系我右手边张床仔度。见到BB果时好兴奋，咩痛都唔记得了。当医生帮我搞好所有野时，距就问可唔可以带BB出去俾屋企人睇，我话可以。过左两分钟医生又抱左BB翻黎，话有个女人见到大叫开心到咩甘，甘果个就系我家婆了。我问翻我老公当时我入产房你上到黎见唔到我果时距咩心情，距话好惊，唔知会点，但当听到话BB出世果时距觉得距妈呃距，完距。因为我老公成个过程跑黎跑去。一时要呢样要买一时要果样，又要打电话通知我屋企人，又要去计数，再加上听果D坐系度等既人讲距地等左十几个钟，所以距唔信。但点讲事实BB真系出左世。当距第一眼见到BB果时距好兴奋，觉得BB好靓仔。呵呵傻佬……BB出世果晚距对住BB好几个钟系度左睇睇右睇睇谂翻起距果时个样真系搞笑
|
