今日系小宝贝第一日上托儿所既日子，我由前几日开始将要带去既衣服都锈上名字，笨笨既妈咪将女女个名锈得好难睇，昨晚我就开始拾执好10套衣服放系书包度，又放佐一D零食系书包度，又将宝宝既平时习惯都写落张纸度，放系书包度比老师睇，今日想喂你吃佐早餐先上学，点知宝宝又唔肯吃，后来我只系煮佐雪梨水放系小水壶度比女女背住系身上，我觉得甘样距就知道要饮水水。今早我一边开车一边同小宝贝讲“今日系返学校读书写字，你要拉尿尿，拉屎都要同老师讲，叫老师帮你，知唔知道？”你又话“知”，后来去到学校门口，园长就出来接你，叫你个名，但系你理都唔理距，后来我抱住你，罗住行李，书包甘跟住园长上楼，你都无出过声，后来去到小小班，老师伸手来话抱你，你又唔比，后来我就同你讲“好多姐姐哥哥哦！你睇，大琳琳姐姐（以前带我女儿既保姆既孙）都系度喔。后来女女就指住距叫“姐姐”，后来我就同大琳琳讲“你坐边度架？”我又问女女“你想坐边度啊？”后来女女就选佐一个角位坐，一坐落去就指住隔离个张椅叫大琳琳，之后我就交待佐几句比老师，本来我准备好比班上三个老师一人一个红包既，但系园长一直跟住我，后来就无比，之后我就偷偷地走落楼，我落楼个时回头睇佐一下女女，见到距系度坐住睇住一个哥哥系度猛哭。距就系睇住人地哭皱晒眉头甘。睇到你呢个表现我个心定佐好多，无之前甘担心，期待你既表现会越来越好。后来我就返来上班，但系我个心根本就定唔到落来，好担心，好担心女女发现我走佐会点样。后来到佐9点50分个时，我终于忍唔住去佐托儿所一次，但系无小朋友出来玩，后来有个刚送BB返学既人按门铃，后来园长就出来，距话比我知距无哭，而系见到人地哭距想哭，扁嘴，但系无哭出来。后来我就返佐来。女女你要坚强，加油！下午4点我会带公公去接你，以后就系公公去接你。妈咪下班就去公公婆婆屋企接你返我地屋企，你一定要乖乖哦！