今日下午4点多D，我就约好阿爸去接琳琳，因为我地系早接，所以无得上楼，老师话怕个D小朋友见到我地去接人距地会想距地既妈妈，所以园长去叫老师将琳琳抱落来，园长上佐去好一阵先见老师抱住琳琳落来，我见到琳琳个时见距到处睇哥哥姐姐，后来距见到我爸先，琳琳面无表情甘，后来见到我开始都系毫无表情甘样，后来老师抱距差唔多行到过来个时，琳琳就扁嘴要哭，后来老师用普通话就话“开始撒娇啦！吓，开始撒娇。”琳琳就睇佐一下老师，之后对住我“嘻嘻嘻”甘笑住扑过来。我抱过来宝宝好开心。后来老师话琳琳可以个啦！只系训觉个时哭佐一阵，其余时间都无哭。识得自己吃饭，不过就吃得唔多，开佐一次奶俾距饮，而家书包入面仲有一次奶粉，一岁几都算系甘个啦！后来听完我就走啦！不过就唔肯距公公走，要跟我，但系我仲未落班，所以后来哭住甘返去婆婆度。不过我下班返到去见到距同晴晴玩得好开心。后来就成日撒我娇要我抱。返佐来个几钟就饮佐三奶瓶水。可能距今日饮得少水。不过就唔吃饭，今晚又无吃啦！后来唯有开奶俾距吃，后来就开空调返房玩，玩到9点就自己训着啦！今晚返到来拉佐两次屎，一次好烂下个，后来俾霍香距吃，吃佐之后竟然系我爸张床度拉佐屎，真系核突咯。其他都无咩异常。琳琳叻叻啊！明日要再表现好D，甘样老师先会中意你架。加油！