之前，爹哋已经讲过“最讨厌既系等待”，讨厌佢既漫长，期待佢既结果。今朝8点几，妈咪就入咗产房做检查，爹哋系外面等到11点几时，一个医生同爹哋讲，妈咪要吊催生素，吊完之后，最迟今晚蜻蜓仔就会出来。换言之，爹哋又要系外面等，仲系唔知等几耐。当中既心情当然系讨厌漫长，期待结果。
于是，爹哋食完饭之后就拿饭俾妈咪食，但系妈咪系产房度痛到食唔落。叫姑娘拿电话入去俾妈咪，接通之后系姑娘把声，仲听到隔离妈咪既惨叫。于是乎，等待既另一种莫名既焦急亦都出现啦。本来爹哋系捻住俾两旧水医院赚（入去陪产仲要俾两旧水，而且系BB出世之前仲要返出来，都唔知有冇搞错），入产房陪妈咪，同佢一齐度过噶几个钟头。但系，一向好痴爹哋既妈咪竟然一反常态，唔需要爹哋陪喔。所以，爹哋只可以继续系产房外带住期待，焦急咁捱噶一段漫长既时光。Still waiting……
