空间主人一来到，就系产房外面听到好大一声“哗”，然后爹哋就接到妈咪既电话，话生咗个女。于是，爹哋、爷爷、嫲嫲、二姑婆就一齐行动，打电话、发短信，务求以最快速度俾所有亲朋好友知道：空间主人——蜻蜓仔终于来啦！

       一个时辰之后，妈咪同蜻蜓仔终于系产房度由护士推出来。妈咪睇落去好累，但系都几精神；蜻蜓仔训着咗，好细粒，皮肤红润，吹弹可破。就咁睇落去，睇唔出似爹哋定系妈咪。暂时见唔到妈咪个“假鼻”同爹哋个永远唔识笑既嘴。头发都几长，两边过咗耳仔，好明显就系仪容仪表方面唔过关，唔怪得之前成日系妈咪个肚度拳打脚踢啦。

       初次见面，蜻蜓仔俾爹哋既表面印象基本上系咁样。其实系爹哋噶时太过开心——母女平安，妈咪唔使再痛到训唔着——所以当时见到蜻蜓仔冇咩反应。但系爷爷、嫲嫲、二姑婆、晚叔婆见到蜻蜓仔就开心到爆咯！